ମୋ ମା''
ମୋ ମା''
ମୁଁ ଜନ୍ମ ହେଲାପରେ ତୁ ହସୁଥିଲୁ
କାନ୍ଦୁୁ ଥିଲି ପାଶେ ତୋର
ଜନ୍ମ ଦିନକୁ ମୁଁ କେବେ ଭୂଲିବିନି
ଏ ଅଭୁଲା ସ୍ମୃତି ମୋର ।
ତୋର ହାତ ଧରି ଚାଲୁଥିଲି ପଥ
ନଥିଲା ମୋ ମନେ କଷ୍ଟ
ତୁ ଯେବେ ମତେ ଖୁୁୁଆଇ ଦେଉଥିଲୁ
ପୁରା ଲାଗୁଥିଲା ପେଟ ।
ତୋର ମୁଖ ଦେଖି ହସୁ ଥିଲି ମୁହିଁ
ଦିନ ହେଉ କିମ୍ବା ରାତି
ତୋର କୋଳରେ ମୁଁ ଶୋଇ ପଡୁଥିଲେ
ମନେ ଆସୁଥିିଲା ଶାନ୍ତି ।
ବାଲି ,ଧୂଳି ରେ ମୁଁ ବୋଳି ହେଉଥିଲି
ଗାଳି କରୁଥିଲୁ କେତେ
ସେ ଗାଳିରେ ତୋର ସ୍ନେହ ,ଶ୍ରଦ୍ଧାଥିଲା
ଭଲ ଲାଗୁଥିଲା ମତେ ।
ଯେବେ ଅଳି କରେ ବୁଝେଇ ଦେଉତୁ
ଟଙ୍କାଟିଏ ହାତେ ଦେଇ
ମୋର ମନ କଥା ତୁହି ବୁୁଝିପାରୁ
ବୁଝି ପାରନ୍ତିିିନି କେହି ।
ଅନ୍ଧାରରେ ଥିଲେ ଆଲୋକିତ ଲାଗେ
ମନ ହୁଏ ଉଲ୍ଲାସିିିତ
ଭୋକିଲା ଥିଲେବି ଶାନ୍ତି ଲାଗେ ମତେ
ଗାଏ ମୁଁ ମଧୁର ଗୀତ ।
ଥକି ପଡିଲେ ମୁଁ ତୋର ପଣତରେ
ପୋଛି ଦେଉ ମୁହଁ ମୋର
ଆଜି ମୁଁ ଖୋଜିଲେ ମିଳୁ ନାହିଁ ଜମା
ଭାବୁଛି ମୁଁ ବାରମ୍ବାର ।
*******
ଲେଖା - ଅଂଶୁମାନ ସ୍ୱାଇଁ ,ସରମଙ୍ଗା, ସଡଙ୍ଗ, କେନ୍ଦୁଝର
୭୫୬୧୨୧.
ଫୋନ୍ ନମ୍ବର -୯୭୯୦୮୧୪୬୭୪.
ansumanswain93@gmail.com