ଯେବେ ତୁମେ ମନେପଡ
ଯେବେ ତୁମେ ମନେପଡ
ବାସ୍ନାୟିତ ରଜନୀ ,
ଜ୍ଯୋସ୍ନା ପ୍ଲାବିତ ଧରା ,
ଚାହିଁଛି ମୁଁ ପୂର୍ଣ୍ଣମୀ ଜହ୍ନକୁ ,
ଜହ୍ନ କୁ ଦେଖିଲେ ,
ମନେ ପଡ ତୁମେ ,
ତୁମ ଅଭିମାନ ଭରା କଥା ,
ତୁମ ରାଗ, ରୁଷା,
ସ୍ମୃତିର ସିନ୍ଦୁକେ ମୋ ସବୁ ଯେ ସାଇତା ।
ମନ କାଗଜ ରେ ଲେଖେ ,
ବେଦନା ସ୍ୟାହୀରେ ,
ମନେ ଅଛି ଯେତେ ବ୍ଯଥା ,
ଜାଣେ ତୁମେ ନାହଁ ପାଶେ ,
ଅଛ ବହୁ ଦୂରେ ,
ହେଲେ ଆତ୍ମା ମୋର ଅନୁଭବେ,
ତୁମେ ଅଛ ମୋର ପାଶେ ପାଶେ,
ମାନସ ପଟଳେ ଯେବେ ତୁମକୁ ଦେଖେ ,
ଶ୍ରାବଣ ର ବର୍ଷା ପରି ,ଅନ୍ତର ର କୋହ ,
ଆଖି ରୁ ମୋ ଲୁହ ହୋଇ ଝରେ ,
ମୋ ମନ କାଗଜ ,ସେ ଲୁହ ରେ ବତୁରି ଯାଏ,
ବେଦନା ର ସ୍ୟାହୀ ଧୋଇ ହୋଇ ଯାଏ ,
ଆତ୍ମ ଲିପି ମୋର ,
ଆଖି ର ଲୁହ ରେ ଝାପସା ଦିଶେ ।