ମିତ କାନ ଡେରିଥା

ବାମନ ଚନ୍ଦ୍ର ଦୀକ୍ଷିତ

ଏ ତ ଭାବ ପୀରତି ର କଥା ଲୋ

ମିତ କାନ ଡେରି ଥା

ଏକ କାନୁ କଥା ଦି କାନ ହୋଇଲେ

ମିଛେ ହେବୁ ଲୋକ ହସା ଲୋ

ମିତ କାନ ଡେରି ଥା।।

ଏ ତ ଗୁଲାବି ପ୍ରେମ ପତର ଲୋ

ମିତ କାନ ଡେରି ଥା

ଗୋପନେ ଲେଖିବୁ ସପନେ ଦେଖିବୁ

ଆସୁଥିବେ ଚିତ୍ତ ଚୋର ଲୋ

ମିତ କାନ ଡେରି ଥା।

ଏ ତ ଆଖି ର ଅକୁହା ଭାଷା ଲୋ

ମିତ କାନ ଡେରି ଥା

କହି ଦେଲେ ଆଖି ଶୁଣି ପାରେ ଆଖି

ବୁଝି ପାରେ ଆଖି ପତା ଲୋ

ମିତ କାନ ଡେରି ଥା।।

ଏ ତୋ ଛାତି ହୁଏ ଧକ ଧକ ଲୋ

ମିତ କାନ ଡେରି ଥା

ନହୁଲୀ ବୟସ ପହିଲି ପୀରତି

ମନ ହୁଏ ଶକ ଶକ ଲୋ

ମିତ କାନ ଡେରି ଥା।

ଏ ତ ମହୁଲିଆ ଶୀତ ସଞ୍ଜ ଲୋ

ମିତ କାନ ଡେରି ଥା

ଅନ୍ଧାର ହେଲାଣି ଯାଆନା ନଈ କୁ

ମିଛେ ହେବ ଅପବାଦ ଲୋ

ମିତ କାନ ଡେରି ଥା।।

*************************