माझी शाळा
माझी शाळा
मला आवडते मनापासून
माझी बालपणीची शाळा
होते खूप सारे लंगोटी मित्र
आम्हांला एकमेकांचा लळा
शाळेला होती दारे खिडक्या
पण नव्हते बाक बसायला
चटई असलेली टाकलेली
बसायचो आम्ही शिकायला
शाळा होती घराजवळ
भीती कधी वाटली नाही
उशीर झाला म्हणून मला
छडी कधी भेटली नाही
मित्र होते छान छान
नेहमी अभ्यासात मग्न
दिलेले काम वेळेत पूर्ण
कधी आले नाही विघ्न
गुरुजी होते खूपच प्रेमळ
मन लावून शिकवायचे
गोंधळ केला किती तरी
कधीच नाही रागवायचे
शाळेतली शिकवण
विसरले नाही कधी
ताठ मानेने वावरतो
जगतो समाजामधी