वचन हवे तुझ्याकडून

भेट होणार नाही यापुढे आपली 

परतुनी तू येणार नाही 

परके झालोत कमनशिबी आपण 

काही इलाज आता नाही ..!

वचन हवे तुझ्याकडून 

क्षण सारे ते हळवे हळवे 

विसरणार तू कधीच नाही 

जरी तू परतुनी येणार नाही 

ताटातूट करणे दोन जीवांची 

दुनियेस याची आवड भारी 

तू तिकडे -मी इकडे कायमचे 

अनिवार ओढीची भेट होणार नाही 

सफल व्हावी प्रीती आपली 

 हरेक प्रेमिजीवास वाटे 

असती दुर्दैवी आपल्यासारखे 

नशिबात आपल्या हे ही नाही 

शपथा घेतल्या आपण त्या 

शब्दांना हवेत विरू देऊ नको 

प्रीत ज्योती राहील तेवती 

वचन हवे तुझ्याकडून