એ તું જ છે
એ તું જ છે
મારું જીવન મ્હેકાવનારી જે બની એ તું જ છે,
સંકટમાં કાયમ મિત્ર થઇને જે રહી એ તું જ છે,
હું દરબદર ભટકી રહ્યો તો જિંદગી માંહે સનમ,
સાચી દિશા કાયમ મને દર્શાવતી એ તું જ છે,
ક્યારેય તેં તો ના કરી દુનિયાની પરવા સ્હેજ પણ,
મારી થવા માટે જગત સામે લડી એ તું જ છે,
હું સાવ તૂટીને વિખેરાઈ ગયો'તો ઓ સનમ,
હિંમત બનીને જે રહી મારી હજી એ તું જ છે,
મારા જીવનને કાયમી ઝળહળતું કરતી આવી તું,
ઘનઘોર અંધારે બની જે ચાંદની એ તું જ છે.