મૌન પાળ્યું છે !
મૌન પાળ્યું છે !
આ લુંટાઈ રહ્યો છે દેશ,
ને તમે મૌન પાળ્યું છે,
બદલી રહ્યાં છે સૌ વેશ,
ને તમે મૌન પાળ્યું છે,
ચર્ચાયા અનેક મુદ્દાઓ,
એ આઝાદ થયા પછી,
જ્યાં નાંખી ગાંધીએ ફ્લેશ,
ને તમે મૌન પાળ્યું છે.
રડી રહ્યાં છે આજે,
પાનાઓ એ ઈતિહાસના,
તિરંગે ચોંટી ગઈ છે મેશ,
ને તમે મૌન પાળ્યું છે.
આ સોનેરી ચકલીની,
પાંખો જાણે ગઈ કપાઈ,
આ સમયે રાખી ઉન્મેષ,
ને તમે મૌન પાળ્યું છે.
નજરો નજર વિંધાઈ રહી છે,
સંસ્કૃતિ જાણે,
કરી રહ્યો ભ્રષ્ટાચાર એશ,
ને તમે મૌન પાળ્યું છે.
મુઠ્ઠી બાંધી લો એ માટીની,
જે લલાટે લગાડી !
'ધર્મદ' કંઈ ન વધશે શેષ,
ને તમે મૌન પાળ્યું છે.