જીવનભરનો સાથ...

આંખોમાં આંખ છે બેયના હાથોમાં હાથ છે,

આ બે પ્રેમીઓનો તો જીવનભરનો સાથ છે,

જિંદગી અહીં એકબીજાની એકબીજાથી,

કદી ન આવે વિયોગ એવી આ મુલાકાત છે,

અંધારું તો ક્યારનુંય ભરી ગયું છે ઉચાળા,

પ્રેમ જ્યોતિનો જ્યાં કાયમ અજવાશ છે,

હું ને તું તું ને હું એ તો થઈ ગયો એક ભૂતકાળ,

એકત્વમાં જ સદા કાળ સ્નેહનો સહવાસ છે,

હર યુગે હર સમય હર જનમ તું જ સનમ,

બસ શાશ્વત મિલનની વસંતના અરમાન છે,

"પરમ" મંઝીલોના આ કાફલા જો તું કદમોમાં,

"પાગલ" રસ્તાઓ પણ પ્રેમથી મહેરબાન છે.