લાવ્યો છું

આંસુઓને આજ, ત્રાજવે તોલી આવ્યો છું,

લાગણીઓની, હું કિંમત કરી લાવ્યો છું,

સમયને એનો પથ, ભુલાવી આવ્યો છું,

એક ક્ષણ હું, મારા માટે ચોરી લાવ્યો છું,

ચંદ્રમાંથી, થોડી ચાંદની લઈ આવ્યો છું, 

જીવનને રંગવા, રોશની ચોરી લાવ્યો છું, 

ઉગતા સુરજની, લાલિમા લઈ આવ્યો છું,

ગાલો પર, ગુલાબી લાલી ભરી, લાવ્યો છું,

ઢળતી એ સાંજની, ઉદાસી ભરી આવ્યો છું,

જખ્મોને વર્ણવે એ, રચના રચી લાવ્યો છું,

ફુલોની નજાકત, શબ્દોમાં લઈ આવ્યો છું,

ગઝલ રચવા, શાયરી, લખી લાવ્યો છું,

ચાહવાને ખુદને, “ચાહત”, ભરી લાવ્યો છું,

શ્વાસોમાં એમ, જિંદગીને, ભરી લાવ્યો છું.