શું તને યાદ છે

એ મુલાકાત છેલ્લી હતી શું તને યાદ છે ?

રાત આખી પછી તો રડી, શું તને યાદ છે,

એ જ વરસાદ વરસે પધારી પલાળી રહે,

સાથ વરસાદ રાખ્યો મળી, શું તને યાદ છે,

ટેરવાંથી કદી પણ અડ્યા, સ્પર્શ એનો નથી,

પાસ આવ્યા અહીં એ ઘડી શું તને યાદ છૈ ?

જિંદગીનો ભરોસો અહીં, એક સૂરજ હતો,

રણ મધ્યે આજ ખોયો અડી, શું તને યાદ છે,

આભમાં વાદળે વીજળી પણ ચમકતી હતી,

ને છબીમાં રહી એ ડરી, શું તને યાદ છે,

મોસમી છે પવન આવશે, ને જશે ના પકડ,

કેમ પકડાતો નથી ? ને લડી, શું તને યાદ છે ?

ને મિથ્યા લાગતું જીવવું આજ તારા વગર,

કેમ પીછો કરું જયાં ઊડી, શું તને યાદ છે ?