વાત કરવા નીકળ્યો છું
વાત કરવા નીકળ્યો છું
આજ હું તો ખુદની સાથે વાત કરવા નીકળ્યો છું,
વ્યર્થ સૌ ઈચ્છાને હું તો ઘાત કરવા નીકળ્યો છું.
આ જગતમાં ચોતરફ અંધારું ફેલાઈ ગયું છે,
સુર્ય ખુદમાં લઇને હું પ્રભાત કરવા નીકળ્યો છું.
બાળપણની ખૂબસૂરત ક્ષણને આજે માણવાને,
લો ફરીથી ખુદને હું નવજાત કરવા નીકળ્યો છું.
ને વિચારો પણ બધા ખૂટી ગયા છે જિંદગીમાં,
સૌ વિચારોને હું તો આયાત કરવા નીકળ્યો છું.