રંગોત્સવ
રંગોત્સવ
હું તો રંગાઈ તારા રંગે
પછી કયાં અબીલની જરુર છે ?
તને જોતા જ હું આનંદમાં આવી જઈ
મારા ગાલ ગુલાબી કરું,
પછી કયાં ગુલાલની જરુર છે ?
તારા સ્પર્શ માત્રથી જ મારા તનમાંથી
ચંદનની સુગંધ આવે
પછી કયાં કેસુડાની જરુર છે ?
તારી આંખની મીચકારી એજ હું ભીંજાઇ
પછી કયાં પીચકારીની જરુર છે ?
તારા પ્રેમના રંગે રંગાઈ હું તો
પછી કયાં આજે જ રંગ લગાડવાની જરૂર છે ?
કાના તારા સંગ મારે તો રોજ જ હોળી
ને રોજ જ દિવાળી,,
પછી કયાં એક જ તહેવાર ઉજવવાની મજા છે ?
આ રંગ ભીની રાધા ને હવે
કયાં રંગે રંગવાની બાકી છે ?