વસંત

તારી એ વાંસળીનો સુર,

ને મારા પાયલનો ઝણકાર;

આજ તો છે આપણા વસંતનો વ્યવહાર !

તારી એ મોરપીંછ,

ને મારા પાલવની કોરનો ચમકાર;

આજ તો છે આપણા વસંતનો વ્યવહાર!

તારી એ કાતીલ આંખો,

ને મારા પ્રેમનો એકરાર;

આજ તો છે આપણા વસંતનો વ્યવહાર!

તારી એ રાસલીલા,

ને મારા સમર્પણનો ચકચાર;

આજ તો છે આપણા વસંતનો વ્યવહાર !

તારી એ વિરહની વેદના,

ને મારા આંસુઓનો સાર;

આજ તો છે આપણા વસંતનો વ્યવહાર !

તારી એ ચૂપકીદીમાં,

છે મારા પ્રેમનો સ્વીકાર,

આજ તો છે આપણા વસંતનો વ્યવહાર !