તો સારું...
તો સારું...
આમતો સમય ખુબજ ઝડપી છે,
પણ આ રાત વિતે તો સારું;
હજારો ફૂલ ખીલે છે આ બાગમાં,
હવે ગુલાબ ખીલે તો સારું ;
યાદમાં વિતાવ્યા દિવસરાત,
હવે મુલાકાત થાય તો સારું;
દર વખત પ્યાલામાં ઘોળાયો છું હું,
હવે જામ બની છલકાવ તો સારું;
ચિતા સરીખો સળગ્યો હું,
હવે રાખ બની ઊડું તો સારું;
અંતરમનથી ઘુંટાયો બહું,
હવે અશ્રુ થઈ સરું તો સારું;
ધન-દોલત બધી લૂંટી મારી,
હવે કોઈ દિલ લૂંટે તો સારું;
નયનથી સ્વપ્ન જોયા મે,
હવે વાસ્તવિકતા દેખાય તો સારું;
વર્ષોથી ઘાયલ થઈ ફરું છું હું,
હવે જખમ રૂઝાય તો સારું;
ભટક્યો છું હું 'રાહ'થી,
હવે મંઝિલ મળે તો સારું.