હું શિક્ષક હંમેશા તારી સાથ
હું શિક્ષક હંમેશા તારી સાથ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ગુરુ મટી મિત્ર બની સાંભળું છું તારી વાત,
તારી બધી મુસીબતમા બતાવું તને વાટ;
હે વિદ્યાર્થી, હું શિક્ષક હંમેશા તારી સાથ.
જ્યારે ભૂલ કરે તું તો સુધારું ડાબે હાથ,
તારી બધી ભૂલોમાં છુપાયો છું હું ક્યાંક;
હે વિદ્યાર્થી, હું શિક્ષક હંમેશા તારી સાથ.
કલા,કૌશલ્ય અને જ્ઞાન પિરસુ તારે થાળ,
જો જમે આ પૂરું તો મારા હૈયે ઓડકાર;
હે વિદ્યાર્થી, હું શિક્ષક હંમેશા તારી સાથ.
તારી દરેક નિષ્ફળતામા મારો ક્યાંક વાંક,
અને સફળતામા બિરદાવું છું આપોઆપ;
હે વિદ્યાર્થી, હું શિક્ષક હંમેશા તારી સાથ.
ધ્યાન અને યોગથી રાખવું છું તારી ભાળ,
એક એક આસને શીખવાડું હું સ્વસ્થતાના પાઠ;
હે વિદ્યાર્થી, હું શિક્ષક હંમેશા તારી સાથ.
વિવિધ સ્પર્ધાઓથી ઉપસાવું તારી જાત,
તારી હારજીતનો માણું છું હું સ્વાદ;
હે વિદ્યાર્થી, હું શિક્ષક હંમેશા તારી સાથ.
તું સમજે છે કે પરિક્ષા તારી છે,
પણ પરિક્ષાએ તારા થકી પકડી મારી "રાહ";
હે વિદ્યાર્થી, હું શિક્ષક હંમેશા તારી સાથ.
--"રાહ"--