અને મળ્યું શું ?

જાદુની નગરીમાં સમ્રાટ જાદુગર ખોવાયો,

યાદોની નગરીમાં મારો પ્રેમ ખોવાયો;

વાતોની નગરીમાં તારી પ્રસંશા ખોવાઈ,

સપનાની નગરીમાં મારી આંખો ખોવાઈ;

શહેરીની નગરીમાં ગામડાના ફળિયા ખોવાયા,

યુવાની નગરીમાં ક્યાંક શ્રમ ખોવાયા;

બાળકોની નગરીમાં મસ્તીના મેદાનો ખોવાયા,

વામાની નગરીમાં શૃંગારના રસ ખોવાયા;

કળયુગની નગરીમાં સતીનું સત્ ખોવાયું,

રણની નગરીમાં વરુણનું જળ ખોવાયું;

તનની નગરીમાં મનુષ્યનું મન ખોવાયું,

દીનની નગરીમાં કુબેરનું ધન ખોવાયું;

અને મળ્યું શું ? માત્ર શબ્દ.

            --"રાહ"--