આંગણ સુધી ગઈ
આંગણ સુધી ગઈ
યાદોની મીઠી સુગંધ મારા શ્વાસ સુધી ગઈ,
પછી ત્યાંથી આગળ એક વાત સુધી ગઈ,
સખીઓ મળી વરસો પછી અચાનક રસ્તામાં,
ને વાત છેક ભણેલા તે પાઠશાળા સુધી ગઈ,
પ્રાંગણમાં સાથે ગાતા તે પ્રાર્થના લગી થઈ,
ને વાત દોડતી કુદતી બાળપણ સુધી ગઈ,
હસતાં રમતાં મોજભર્યા દિવસોની ચર્ચા ચાલી,
પછી અમે સહુ પંખી ઉડતા તે આંગણ સુધી ગઈ,
સાત રંગના સપને સરતી સરતી છેક સખીઓ,
તપાસ કરો વાત કોના કોના શહેર સુધી ગઈ.