જિંદગી...

પલ પલની હકીકતમાં એક મધુર સ્વપ્ન સમ હોય છે જિંદગી,

ભૂલી જવાની ભવ્ય આહુતિમાં જાણે એક મહાન યજ્ઞ છે જિંદગી,

સત્યના આચરણમાં તો હું જાણે રણમાં પણ ખીલેલું એક ગુલાબ,

ને જૂઠના સથવારે ભરી બહારો વચ્ચે પણ પાનખર આ જિંદગી,

પ્રણયમાં પારિજાતની મહેકને પણ શરમાવે ઘડી મિલનની,

નફરતની નનામીમાં અમથા અમથા અહંકારનો ટંકાર આ જિંદગી,

નિરાશાની પરિપક્વતા તો આંસુઓની ધાર બનીને ખરી પડી,

ને આશાઓના મૃગજળમાં કોણીએ ચોટેલો ગોળ આ જિંદગી,

વ્હેમના ગણિતમાં બાદબાકી ને ભાગાકારની જ છે પરિસ્થિતિ,

ને પ્રેમના પલાખામાં સ્નેહના સરવાળા ને ગુણાકાર આ જિંદગી,

"પરમ" હૃદય સંપતિ સ્નેહની મુઠ્ઠીભર પણ વહેચીને ખુશ થયો,

ને ખાલી દામન લઈને ખુદ ભીખ માંગે હવે આ "પાગલ " જિંદગી!