STORYMIRROR

Amit Bal

Abstract Tragedy

4.0  

Amit Bal

Abstract Tragedy

ଯୋଡାଏ ଆଖି

ଯୋଡାଏ ଆଖି

1 min
251


ଅସହାୟତା ର ମୋକ୍ଷ ପ୍ରାପ୍ତିରେ

        ଚାହିଁ ରହିଥାଏ ତା'ର ସେ ଯୋଡାଏ ଆଖି ,

ଆଖିଏ ଲୋତକ ଫେଣ୍ଟି ରଖିଦିଏ

     କହିବାକୁ ନିଃସଙ୍ଗ ହୃଦୟର ଅନେକ କିଛି ବାକି ,


ସ୍ବପ୍ନ ର ରଙ୍ଗ ମହଲରୁ ତା'ର 

       ସବୁକିଛି ଚୋରି ହୋଇଯାଏ ଦିନ ଆଲୁଅରେ

ସ୍ଥିତପ୍ରଜ୍ଞ ହୋଇ ଅନେଇ ରହିଥାଏ ସେ

      ଦୁଇ ଆଖିପତା ମେଲି ନୀତି ବିଜନ ବେଳାରେ ,


ଦୁର୍ଭାଗ୍ୟ ତା' କପାଳରେ ହାତ ବୁଲାଏ

   ତମାମ ଜୀବନ ହାତରେ ଆଞ୍ଜୁଳାଏ ଜଂଜାଳ ନେଇ

ଜୀବନ ନାଆଟି ପିଟି ହୁଏ ବାଲିପଠାରେ

&

nbsp;   ସଂସାର ସାଗରର ବିଶାଳତାରେ ବାଟବଣା ହୋଇ ,


ହସେ ତାତ୍ସଲ୍ୟରେ ନିୟତି ତା ଉପରେ

        ତା ବାଲ୍ୟକାଳକୁ ଅହରହ ତଳିତଳାନ୍ତ କରି

ନିର୍ମମ ସମୟର ପ୍ରଚଣ୍ଡ ଘୂର୍ଣ୍ଣିଝଡ ରେ 

     ବେଳେ ବେଳେ ସେ ହଜିଯାଏ ବି ଆର୍ତ୍ତନାଦ କରି ,


ଭାରି ବିକଳ ଦିଶେ ତା'ର ସେ ଯୋଡାଏ ଆଖି

   ପରସ୍ତ ପରସ୍ତ ଦୀର୍ଘଶ୍ଵାସ ଛାଡୁଥିବା ନିଶ୍ଚଳ ମୁହଁରେ

ମନେହୁଏ ଯିଏ କନ୍ଦାଉଛି ତାକୁ ଲହୁର ଅଶ୍ରୁରେ

    ଦିନେ ସେ ବି କାନ୍ଦୁଥିବ ଲୁଚିଲୁଚି ଅନ୍ଧାର ରାତିରେ ।

       


Rate this content
Log in

Similar oriya poem from Abstract