Library
Profile
ଯିବା ଅଯୋଧ୍ୟା କ୍ଷେତ୍ର
ଯିବା ଅଯୋଧ୍ୟା କ୍ଷେତ୍ର
ଆସିଗଲେ ପ୍ରଭୁ ସ୍ବୟଂ ରାମଚନ୍ଦ୍ର
ଅଯୋଧ୍ୟା କ୍ଷେତ୍ରକୁ ଯିବା
ଭକତ ବତ୍ସଳ କୋଦଣ୍ଡଧାରୀଙ୍କୁ
ଦର୍ଶନ କରି ଆସିବା ।
ମନ କଥା ସବୁ ଖୋଲି କହି ଦେବା
ଦ୍ବନ୍ଦ ମନେ ନ ରଖିବା
ଭକ୍ତି ବିଶ୍ୱାସରେ ଭକ୍ତି ଅର୍ଘ୍ଯ ଦେଇ
ନିଜକୁ ସମର୍ପି ଦେବା ।
ଅନ୍ୟାୟ ଅଧର୍ମ ଅସତ୍ୟ ପଥକୁ
ବର୍ଜନ କରିଣ ଦେବା
ସତ୍ୟ ଧର୍ମ ନ୍ୟାୟ ପଥରେ ଚାଲିବା
ପ୍ରଭୁଙ୍କ ଆଶ୍ରିତ ହେବା ।
ଦୋଷ ଅପରାଧ ଯାହା ବି କରିଛେ
ସବୁ କ୍ଷମା ମାଗି ନେବା
ପ୍ରଭୁଙ୍କ ଚରଣେ ଶରଣ ପଶିଣ
ଦିନ ଆମ କାଟି ଦେବା ।
ତୁଣ୍ଡ ଜପୁ ଥିବା ରାମ ନାମ ଆମ
ପାପ କ୍ଷୟ କରି ଦେବା
ପ୍ରଭୁ ଆଶୀର୍ବାଦେ ପାପୀ ଜୀବନରୁ
ନର୍କରୁ ଉଦ୍ଧାର ହେବା ।
ରାମ ନାମ ଜପି ବାଲ୍ମୀକି ହୋଇଲେ
ଆମେ ପାପ ଧୋଇ ଦେବା
ଅଜାମିଳ ପରି ନର୍କ ଯନ୍ତ୍ରଣାରୁ
ଉଦ୍ଧାର ଆମେ ପାଇବା ।
ନ୍ୟାୟର ପ୍ରତୀକ ପ୍ରଭୁ ରାମଚନ୍ଦ୍ର
ତାଙ୍କୁ ଦର୍ଶନ କରିବା
ଏଇ ପାପ ନେତ୍ର ହୋଇବ ପବିତ୍ର
ଆଖିରେ ଯେବେ ଦେଖିବା ।
ତନୁ ମନ ପ୍ରାଣ ପ୍ରଭୁଙ୍କ ପାଦରେ
ବିଶ୍ବାସେ ଅର୍ପିଣ ଦେବା
ପ୍ରଭୁଙ୍କ ପ୍ରସାଦେ ଏ ନର ଜୀବନୁ
ମୁକତି ନିଶ୍ଚେ ପାଇବା ।
ଏଇତ ଦୁନିଆ ମିଛ ମାୟା ମୋହ
ଭ୍ରମରେ କାହିଁ ପଡିବା
ପ୍ରଭୁଙ୍କ ଚରଣେ ଶରଣ ପଶିଣ
ନର୍କରୁ ଉଦ୍ଧାର ହେବା ।
