ଉତ୍କଳ ଗୌରବ

ପୁଣ୍ୟଭୂମି ଉତ୍କଳ ମାତାର

ଯୋଗ୍ୟ ସନ୍ତାନ ଆମେ ରେ

ଉତ୍କଳ ସେବା କର୍ମ ଆମର

ଆମେ ଓଡ଼ିଆ ପିଲାରେ

ନକରି ଆଳସ୍ୟ କରି ପରିତ୍ୟାଗ

ଉଠିବା ଏବେ ନିଶ୍ଚିତ

ଉତ୍କଳ ଚାହିଁଛି ଆମକୁ ଅନାଇ

ରଖିବାରେ ଟେକ ସତ

ଉତ୍କଳ ଗୌରବ ତାର ପ୍ରତିଛବି

ଆଙ୍କିବା ନିଜ ମନେ

ଓଡ଼ିଆ ଜାତିର ଟେକ ରଖିବାକୁ

କରିବା ପଣ ଜନେ

ଉତ୍କଳର କଳା ନୃତ୍ୟ କାରୁକାର୍ଯ୍ୟ

କ୍ଷେତେ ସବୁଜିମା ଚାଷ

ଦୁନିଆ ଆଗରେ ଯିବାରେ ଦେଖାଇ

ରଖିଜିବା ତାର ଯଶ

ଅତୀତ ଉତ୍କଳ ପୁଣି ଛିଡ଼ା ହେବ

ଚାଲିବ ରେ ପୁଣି ଥରେ

ଆଦର୍ଶ ସାଜିବ ସବୁଠି ଉତ୍କଳ

ଆଗ ଥିବ ସବୁଥିରେ

ଆଜି ନୁହେଁ ତ କେବେବି ନୁହେଁ

କରିବୁ ତୁ ଆଉ କେଉଁ ଦିନେ

ଉତ୍କଳର ପୁତ୍ର ଉଠ ଏବେ

କରିବା ସେବା ତାର ଜୀବନେ

ଉତ୍କଳର ଟେକ ରଖିବା ନିଶ୍ଚିତ

ନଇଁ ବା ନାହିଁ ଯେ ମଥା

ସ୍ଵାଭିମାନ ଆମ ଆୟୁଧ ହୋଇବ

ନ ଯିବା ଭୁଲି ଏକଥା