ହୃଦୟେ!

ଦେଖିଛି ବହୁତ ଏଇ ଦୁନିଆରେ

ସଫଳ ପ୍ରେମକୁ ମୁହିଁ l

ଛଅ ମାସ ପରେ ପ୍ରେମ ହୁଏ ଚୁନା

ଛାଇ ଦେଖନ୍ତିନି କେହି ll

ଦେଖିଛି ଅନେକ ପ୍ରତିଶୃତି ଦେବା

ବିବାହ ପୂର୍ବରୁ ମୁହିଁ l

ପ୍ରତିଶୃତି ସବୁ ଫିକା ପଡ଼ିଯାଏ

ବାକ୍ୟ ହୁଏ ମୁହାଁ ମୁହିଁ ll

ବିଜୟ ହୋଇଛି ମୋ ପ୍ରେମ ଆଜିରେ

ପରାଜୟ କେବେ ନାହିଁ l

ଭୟ ନାହିଁ କେବେ ଦୂରେଇ ଯିବାର

ହୃଦୟେ ଅଛି ସେ ରହି ll

ପ୍ରତିଶୃତି କିଛି ଦେଇନାହିଁ ତାକୁ

ନେଇ ନାହିଁ ତାଠୁ କିଛି l

ବିଫଳ ହେବାର ଜମା ଚିନ୍ତା ନାହିଁ

ଜୀବନ ଯେତିକି ଅଛି ll

ବିଦେହ ଭାବରେ ଥିଲା ଦିନେ ସିଏ

ଅଛି ଆଜି ହୃଦେ ସିଏ l

ଥିବ ଥିବା ଯାଏଁ ହୃଦେ ମୋ ସ୍ପନ୍ଦନ

ମୋ ବିଦେହ ପ୍ରେମ ସିଏ ll