ଠିକଣା

ଅଜଣା ବାଟୋଇ ସଂସାରେ ଚାଲିଛି

ହଯାଇ ନିଜ ଠିକଣା

ପଚାରି ବୁଝିଲି ସଭିଏଁ ଏଠାରେ

ହୋଇଛନ୍ତି ବାଟବଣା   (୧)

ବଡ଼ ବିଚିତ୍ର ଏ ଦୁନିଆରେ ଯେବେ

ନିଜକୁ ଖୋଜୁଛି ନିଜେ

ମୋ ଭିତରେ ସିନା ମୁଁ କୁ ପାଉଛି

ବୁଦ୍ଧି ଦିଶୁନାହିଁ ମୋତେ   (୨)

ଚଢି ମନଯାନ ହେଲି ମୁଁ ଉଚ୍ଛନ୍ନ

ସଂସାର ଜଞ୍ଜାଳେ ମଜ୍ଜି

ଅକାରଣେ ଗଲା ମଣିଷ ଜୀବନ

ପ୍ରିୟା ପ୍ରୀତି ଠାରେ ହଜି   (୩)

ଅଠିକଣା ବେଳେ ତୁମରି ପାଖକୁ

ଠିକଣା ପଚାରି ଗଲି

ଦେଖିଲାବେଳକୁ ଯେଉଁଠାରେ ଥିଲି

ସେଇଠାକୁ ପହଞ୍ଚିଲି  (୪)

କୋଟି ଯୁଗ ଧରି ସାଧୁ ମୁନି ଋଷି

ଯା ଠିକଣା ଖୋଜୁଥାନ୍ତି

ଠିକଣା ବେଳରେ ଠିକଣା ମିଳେନା

ମନରେ ନଥିଲେ ଭକ୍ତି  (୫)