ലൈബ്രറി
പ്രൊഫൈൽ
ବନ୍ଧୁ
ବନ୍ଧୁ
1 min
305
ଜୀବନର ପଥ ଅଙ୍କାବଙ୍କା ସେତ
ଚାଲିବା ନାମ ଜୀବନ
ଚାଲୁ ଚାଲୁ ଯୋଡେ କେବେ କାହା ସାଥେ
ବନ୍ଧୁତା ପ୍ରୀତି ବନ୍ଧନ (୧)
ବନ୍ଧୁତାରେ ସିନା ବନ୍ଧା ପଡ଼ିଯାଏ
ମନ ସିନ୍ଦୁକର ଚାବି
ବନ୍ଧୁର ପଥରେ ବନ୍ଧୁଟିଏ ଥିଲେ
ଲାଗେ ନାହିଁ ପଥକ୍ଲାନ୍ତି (୨)
ମନଗହନର ଅକୁହାକଥାକୁ
ବୁଝିପାରୁଥାଏ ଯିଏ
ସୁଖରେ ଦୁଃଖରେ ପାଶେ ଠିଆ ହେଲେ
ବନ୍ଧୁ ପରି ବନ୍ଧୁ ସିଏ (୩)
ସଂସାରରେ ଚାଲେ ବନ୍ଧୁ କିଣାବିକା
ଛଳ ପ୍ରତାରଣା ବଳେ
ବନ୍ଧୁରୁ ବନ୍ଦୁକ ସାଜନ୍ତି କୂଟୀଳେ
ବିଷ ଜ୍ଜାଳେ ମନ ଜଳେ (୪)
ଦେଉଥିଲେ ଯଦି ନେଉଥିବେ ସବୁ
ବନ୍ଧୁ ହୋଇ ରହିଥିବେ
ଦେଇ ନପାରିଲେ ମୁହଁ ମୋଡି ଦେଲେ
ସିଏ କି ବନ୍ଧୁ ହୋଇବେ ?(୫)
ବନ୍ଧୁତାର ସୀମା ତେଣୁ ଥାଉ ଏଠି
ଆଗକୁ କାହିଁ ବଢିବା
ଜହ୍ନ ପରି କିଆଁ ପକ୍ଷେ ବଢ଼ି ପୁଣି
ଅପରପକ୍ଷେ ଛିଡିବା (୬)
ବନ୍ଧୁ ବାନ୍ଧିଥିଲେ ବନ୍ଧୁ ମହାନ୍ତି ଯେ
ସିଏ ଚିରଦିନ ବନ୍ଧୁ
ମନେ ଭାବୁଅଛି ବନ୍ଧୁତାର ଖିଅ
ତା ସାଥିରେ ବାନ୍ଧିବାକୁ (୭)
