ଲାଇବ୍ରେରୀ
ପ୍ରୋଫାଇଲ୍
ମଣିଷ
ମଣିଷ
1 min
312
କୋଟି ଜନମର ପୂଣ୍ୟ ଫଳ ଥିଲେ
ମଣିଷ ଜନମ ମିଳେ
ତଥାପି ମଣିଷ ସାଜେ ଅମଣିଷ
ପଡିଯାଇ ମାୟା ଜାଲେ (୧)
ଜନମ ମରଣ ମଧ୍ୟେ କେତେଦିନ
ଫୁଟେ ପରା ଫୁଲ ହୋଇ
ମଣିଷ ବୁଝେନା କାହିଁକି କେଜାଣି
ତୋଫାନ ଡାକି ଆଣଇ (୨)
ଭାଇର ଛାତିରେ ଛୁରୀ ମାରେ ଭାଇ
ଇୟେ କି କାହାରି କହ
ମଣିଷ ରକତ ମଣିଷ ପିଉଛି
ଭାବିଲେ ଉଠୁଛି କୋହ (୩)
ମଣିଷ ମଣିଷ ଭିତରେ ପାଚେରୀ
କାହିଁକି ପାଚେରୀମୟ
ପାଚେରୀକୁ ଡେଇଁ ମଣିଷ ହେବାକୁ
ଲାଗୁଛି ତଥାପି ଭୟ (୪)
ମଣିଷ ଭିତରେ ମଣିଷ ପଣିଆ
ବୋଧେ ଯାଇଅଛି ମରି
ପଶୁ ଠାରୁ ହୀନ ହୁଏ ଦିନୁଦିନ
ହିଂସ୍ର ଆଚରଣ ବରି (୫)
