ଦିବ୍ୟ ଚିନ୍ତନ

ଆଜି ଅଛୁ ମନ କାଲିକି ନଥିବୁ 

କାହିଁକି ଏତେ ଗୁମାନ 

ଯିବାପାଇଁ ରଥ ସଜ ହୋଇଅଛି

ହୋଇଯିବ ଅବସାନ । 

ସ୍ବଭାବରେ ବନ୍ଧା ରହିଗଲୁ ଏଠି

ଭାବ ତୁ ପାଇଲୁ ନାହିଁ 

ଭାବର ଅଭାବ ବୁଝି ନ ପାରିଲୁ

ବିଷୟାରେ ମଜ୍ଜିରହି ।

ସଞ୍ଜ ହୋଇଲାଣି ରାତି ହୋଇଯିବ 

କିପରି ତୁ ହେବୁ ପାରି

ନାଉରିଆ ଘାଟ ଜଗିଣ ରହିଛି

ଘାଟ ମୂଲ ନେବ ଭରି ।

ଅରଜି ଥିଲେ ତୁ ଖରଚ କରିବୁ

ନ ଅର୍ଜିଲେ ଶୂନ୍ଯ ହସ୍ତ

ଘାଟ ମୂଲ ଯଦି ନ ଦେଇପାରିବୁ

ପାରି ହେବୁନି ଏ ସତ୍ଯ ।

 

ରାତି ହେବା ଆଗୁ ଅର୍ଜନ ତୁ କର

ଅଳପ ସମୟ ବାକି

ଯେତିକି ଅର୍ଜିବୁ ସେତିକି ପାଇବୁ

ମନ ନ ରହିବ ଟାକି ।