ଦିବ୍ୟ ଜ୍ୟୋତି

ଦିବ୍ୟ  ନୟନରେ

ଦିବ୍ୟ ଜ୍ୟୋତି ଶୋହେ

      ଦିବ୍ୟ ଦୃଷ୍ଟି ସମପ୍ରଭା

ଦିବ୍ୟ ଚାହାଁଣୀରେ

ଦିବ୍ୟ   ଅନୁଭୂତି

       ଦିବ୍ୟ ଚେତନାର ଆଭା ।

ଦିବ୍ୟ  କଳେବର

ଦିବ୍ୟ ତୋ ମନ୍ଦିର

       ଦିବ୍ୟ ତୋ ଚରଣାମୃତ

ଦିବ୍ୟ ବସନରେ

ଦିବ୍ୟ ଭୂଷଣରେ

       ଦିବ୍ୟ ଶୋଭା ସମାଗତ

ଦିବ୍ୟ ତୋ ମହିମା

ଦିବ୍ୟ ତୋ କରୁଣା

        ଦିବ୍ୟ ତୋ ଦର୍ଶନ ଅବା ।

ଦିବ୍ୟ ଆଘ୍ରାଣରେ

ଚାଉଳର  ଭାତ

        ବୋଲାଏ ମହାପ୍ରସାଦ

ଦିବ୍ୟ ପରଶରେ

ଦିବ୍ୟ ହୁଏ ପ୍ରାଣ

         ଦିବ୍ୟ ତୋର କଥାମୃତ

ଦିବ୍ୟ ଦୟଣାରେ

ଦିବ୍ୟ ପରଶରେ

         ଦିବ୍ୟ ଅନୁଭବ ଉଭା ।