କାର୍ତ୍ତିକେୟ ବନ୍ଦନା

ନମଃ ଗଉରୀନନ୍ଦନ ଦେବ ସେନାପତି l

ତାରକ ନିଧନ ଅର୍ଥେ ହେଲ ଉତପତି ll

କଠୋର ତପ ଆଚରି ମାତା ଅନ୍ନପୂର୍ଣ୍ଣା l

ପର୍ଣ୍ଣ ସୁଦ୍ଧା ନ ଭକ୍ଷିଲେ ବିଦିତ ଅପର୍ଣ୍ଣା ll

ତପବଳେ ତୋଷ କରି ଗିରୀଶ ମଜାଇ l

ତୁମ୍ଭଙ୍କୁ ଲଭିଲେ ସ୍କନ୍ଧ ମାତା ମହାମାୟୀ ll

ଚନ୍ଦ୍ର ସୂର୍ଯ୍ୟ କାନ୍ତି ତଵ ଅତୀବ ସୁନ୍ଦର l

ଦେବ କାର୍ଯ୍ୟ ସାଧିବାକୁ ରହିଲ କୁମାର ll

ବାହନ ତୁମ୍ଭର ଅଟେ ସୁନ୍ଦର ମୟୂର l

ଭୁଜଙ୍ଗ ପଳାଇଯାଏ ରଡ଼ିରେ ଯାହାର ll

ଭ୍ରାତା ତୁମ୍ଭର ଅଟନ୍ତି ବିଦ୍ୱାନ ଗଣେଶ l

ସର୍ବାଗ୍ରେ ପୂଜିତ ଗଜାନନ ଶ୍ରୀବିଘ୍ନେଶ ll

ଜନ୍ମକାଳେ ଷଡ଼ମାତା ଦେଲେ କ୍ଷୀରପାନ l

ତାରକଜିତ ବହିଲ ନାମ ଷଡାନନ ll 

କୃତ୍ତିକା ନକ୍ଷତ୍ର ଯୋଗେ ଜନମ ଲଭିଲ l

କ୍ରୋଉଞ୍ଚଦାରୁଣ ନାମେ କ୍ରୋଞ୍ଚକୁ ବଧିଲ ll

କୁମାର ସମ୍ଭବ ସୃଜି କବି କାଳି ଦାସ l

ଉଦାତ୍ତକଣ୍ଠେ ତୁମ୍ଭର ଗାଇଛନ୍ତି ଯଶ ll

ତୁମ୍ଭ ମୁଖରୁ ନିଃସୃତ ଶ୍ରୀ ସ୍କନ୍ଦପୁରାଣ l

ଚରିତ ତୁମ୍ଭର ପ୍ରଭୁ ହୋଇଛି ବଖାଣ ll

ପୁଣ୍ୟ କାର୍ତ୍ତିକେ କୁମାର ହୁଏ ତୁମ୍ଭ ପୂଜା l

ନମସ୍ତେ ସାଥେ ଗଣେଶ ଶଙ୍କର ଗିରିଜା ll