ମହାମୂର୍ଖ ଟିଏ ମୁହିଁ
ମହାମୂର୍ଖ ଟିଏ ମୁହିଁ
କେମିତି କହିବି ନିଜକୁ ପଣ୍ଡିତ
କିଛି ଜାଣି ପାରୁ ନାହିଁ l
ବର୍ଣ୍ଣବୋଧ ପାଠ ସମ୍ପୂର୍ଣ୍ଣ ଶିଖିନି
ବ୍ୟାକରଣ ସରୁନାହିଁ ll
ଜୀବନର ପାଠ ପଢିତ ପାରୁନି
ସରିବାର ନାଆଁ ନାହିଁ l
ପଢୁ ପଢୁ ନିତି ଆରମ୍ଭ ହେଉଛି
ଯେତେ ପଢୁ ଅଛି ମୁହିଁ ll
ଇଂରାଜୀ, ଭୂଗୋଳ, କତେ ପାଠ ଅଛି
ପଣ୍ଡିତ କେମିତି ମୁହିଁ l
ସବୁ ପାଠ ମୁଁ ତ ପଢ଼ିତ ସାରିନି
ବୋଧ ସବୁ ହେଇ ନାହିଁ ll
ଶାସ୍ତ୍ର,ବ୍ୟାକରଣ,ଗଣିତ,ପୁରାଣ
ସବୁରେ ପାଣ୍ଡିତ୍ୟ କାହିଁ l
କେମିତି କହିବି ନିଜକୁ ପଣ୍ଡିତ
ମହାମୂର୍ଖ ଟିଏ ମୁହିଁ ।