ଉତ୍କଳ ଦିବସ ସ୍ମରଣେ

ଆଜି କାହିଁକି ତୁମେ ବେଶୀ ମନେପଡ଼

ହେ ଉତ୍କଳ ବୀରମାନେ !

ସ୍ମୃତିରେ ମୋ ନାଚିଉଠେ

ସବୁ ତୁମ ସୃଷ୍ଟି ସମୁଦ୍ରର

ଅମୃତ ଲହରୀ !

ଉତ୍କଳର ମହାରଥୀ ତୁମେ

ଆରମ୍ଭିଲ ଆଜି ପରି ଦିନେ

ସ୍ୱତନ୍ତ୍ର ଉତ୍କଳ କୋଠୀର

ଶକ୍ତ ମୂଳଦୁଆ ।

ଆଜି ସେ ବିରାଟ କୋଠା

ଶତାବ୍ଦୀର ନିକଟରେ ଥାଇ ମଧ୍ୟ

ନିଖୁଣ ଓ ମଜଭୁତ 

ସ୍ମୃତି କରେ ତୁମପରି

ରାଜମିସ୍ତ୍ରୀ ରାଜ ଯନ୍ତ୍ରୀଙ୍କର

ସୁପରିକଳ୍ପନା ।

ଆଜି ତୁମେ ନାହିଁ ଆଉ ସତ 

ନାହିଁ ତୁମ ପାର୍ଥିବ ଶରୀର ।

ତଥାପି ଅମର ତୁମେ

ଆଜି ବି ପ୍ରମାଣ ଦିଏ

ଏ ଉତ୍କଳ ଇତିହାସ ।

ସ୍ୱର୍ଣ୍ଣାକ୍ଷରେ ତୁମ ନାମ

ଅଛି କେତେ ଦିନୁ 

ଏବେ ବି ଝଲସି ଉଠେ

ତୁମର ସେ ପବିତ୍ର ନାମ ସବୁ

ଏବଂ ଝଲସିବ ନିଶ୍ଚେ

କେଉଁ ଏକ ଅନନ୍ତ କାଳରେ ।

ହେ ଉତ୍କଳ ବୀରମାନେ !

ସମୟ ସୁଅରେ ତୁମେ

ସ୍ମୃତିର ଖୋଲା ପରଦାରେ

ଏବେ ସ୍ୱଷ୍ଟ ତୁମେ

ଶ୍ରେଷ୍ଠ ତୁମ ଅଭିନୟ ସବୁ ।

ସେଥିପାଇଁ ବୋଧହୁଏ

ଏ ଉତ୍କଳ ଦିବସେ

ଆଜି କିନ୍ତୁ ବେଶୀ ମାନେପଡ଼ 

ଆଜି କିନ୍ତୁ ବେଶୀ ମନେପଡ଼ ।।