Library
Profile
ତୁଣ୍ଡ ବାଇଦ
ତୁଣ୍ଡ ବାଇଦ
ବାଇଦ ଶବ୍ଦଟି ଖଣ୍ଡେ ଦୂର ବ୍ୟାପେ
ତୁଣ୍ଡ ବାଇଦ ସହସ୍ର
କ୍ଷଣିକ ଭିତରେ ବ୍ୟାପି ଯାଏ ସିଏ
ନିନ୍ଦା ଭରେ ସେ ଅଜସ୍ର ।
ଭଲ କାମ କଲେ ଯଶ ଖ୍ୟାତି ମାନ
ବେଶୀ ଦୂର ଯାଏ ନାହିଁ
ଟିକେ ଦୋଷ ତ୍ରୁଟି ରହି ଯାଏ ଯେବେ
ଅପପ୍ରଚାରଟି ରହି ।
ସେ ଅପପ୍ରଚାର ଜଣଙ୍କ କାନରୁ
ଅନ୍ୟ କାନ ହେଇଯାଏ
କ୍ଷଣିକ ଭିତରେ ସାରା ଦୁନିଆରେ
ଡେଙ୍ଗୁରା ତା ପିଟା ଯାଏ ।
ଜଣେ କହୁଥାଏ ଆପଣାର ଭାବି
ତୋତେ ଦେଲି ସିନା କହି
ହେଲେ ତୁ କାହାକୁ କହିବୁନି ଏହା
ମୋ ରାଣ ରହିଲା
ତହିଁ ।
ସତ୍ୟତା ନ ଜାଣି ମିଛ ଗୁଜବଟି
ୟା ପାଖୁ ତା ପାଖେ ଯାଏ
ବିଚାରି କିଛି ବି ଦୋଷ ନ କରିଣ
ନିନ୍ଦା କଳଙ୍କଟି ପାଏ ।
ପଛରେ ସତଟି ଯେତେ ବା ଆସିଲେ
ତା ଅପମାନ କି ଯାଏ
ତୁଣ୍ଡ ବାଇଦଟି ଏମିତି ଗୋଟିଏ
ଭଲ ଭନ୍ଦ ତାର ଥାଏ ।
ଯାହା ବି ଶୁଣିବ ଅନ୍ୟକୁ କହିବ
ଭାବି ଚିନ୍ତି କହୁଥିବ
ତୁଣ୍ଡ ବାଇଦର ସତ୍ୟତାକୁ ଜାଣି
ଅନ୍ୟ ଆଗେ ପ୍ରକାଶିବ ।
ପ୍ରକୃତ ସତଟି ନ ଜାଣି କାହିଁକି
କଳଙ୍କରେ ବୋଳି ଦେବ
ତୁଣ୍ଡ ବାଇଦକୁ ବିଶ୍ୱାସ କରିଣ
କାହିଁକି ଦୁଃଖ ଭରିବ ।
