ତୁମେ ମୋ ପ୍ରାଣ ସ୍ପନ୍ଦନ

ହେ ଶ୍ୟାମସୁନ୍ଦର   କମଳନୟନ

    ଶ୍ରୀରାମ ପୁରୁଷୋତ୍ତମ

ଜୟ ସୀତାପତି    ବିଜିତ ଇନ୍ଦ୍ରିୟ

      ସତ୍ୟବ୍ରତ ତ୍ରିବିକ୍ରମ

      ପରମାତ୍ମା ପର°ବ୍ରହ୍ମ

ଜୟ ରଘୁନାଥ     ଶ୍ରେଷ୍ଠ ଧନୁର୍ଦ୍ଧର

      ସଚ୍ଚିଦାନନ୍ଦ ବିଗ୍ରହ ।

ତୁମେ ଶାନ୍ତକାନ୍ତ   ଜ୍ୟୋତିର ପ୍ରକାଶ

      ତୁମ ନାମ ମହାମନ୍ତ୍ର

ତୁମ ଦିବ୍ୟନାମେ     ଭାସଇ ପଥର

      ଶତ୍ରୁ ହୋଇଯାଏ ମିତ୍ର

       ଅଗ୍ନି ହୁଏ ନିର୍ବାପନ

ଅନୁକୂଳ ହୁଏ      ଦୁରାଗ୍ରହ କଷ୍ଟ

      ଫେଡଇ ଭବ ବନ୍ଧନ ।

ଜୟ ରାମଚନ୍ଦ୍ର     ଉଦାତ୍ତ ଉଦାର

       ଦୁର୍ବାଦଳ ଘନଶ୍ୟାମ

ସତ୍ୟ ସନାତନ     ପରମ କାରଣ

      ତୁମେ ମୋ ପ୍ରାଣ ସ୍ପନ୍ଦନ

      ରାମ ନାମ ସଙ୍କୀର୍ତ୍ତନ

ଉଜ୍ଜ୍ଵଳୁ ଭବିଷ୍ୟ      ଭୂତ ବର୍ତ୍ତମାନ

      ତ୍ରିତାପ କରୁ ହରଣ ।