ତୁମେ ଜାଣିଛ କି ନା ମୁଁ ଜାଣେନା ,,,,,,,,,,,,,,,,,,,,

ସ୍ୱପ୍ନରେ ଶୁଆ ଶାରୀ ଦୁହିଁଙ୍କୁ ଦେଖି 

ଶୁଭାଶୁଭ ଭାବଭକ୍ତି ମୋହର ଦେଖି

ଭକ୍ତି ଭାବ ମୋ ପାଖେ ପରଖି

ଆସିଥିଲେ ନିଜେ ଚକା ଆଖି 

କସ୍ତୁରୀ ଚନ୍ଦନ ଅଗରୁ ମାଖି 

ମଲ୍ଲୀ ଫୁଲମାଳ ଅଛି ପାଖେ ସାକ୍ଷୀ 

ଏତେ ନିକଟରୁ ପ୍ରଭୁଙ୍କୁ ଦେଖି 

 ଝୁଣା ଦୀପ ଧୂପ ଦେବା ଭୁଲି ନିରିମାଖି 

ଆଖିରେ ମଲା ପାଣି ଆଖି ଅଛି ସାକ୍ଷୀ 

ରଖିଥିଲି ବାନ୍ଧିବାକୁ ଫୁଲ ରାକ୍ଷୀ 

ଶୁଖିଲା ଯେହେତୁ ଦେଖିଲି କଳାପକ୍ଷୀ

ରାଖୀ ଥିଲା ଫୁଲସୁମୁଖୀ ସାତରଙ୍ଗ ପକ୍ଷୀ 

ଇନ୍ଦ୍ରଧନୁ ସଜାଇଥିଲି ଦେଖି ଶିଖି

କାଳେ ଆସିବେ ଭାବଗ୍ରାହୀ ଚକାଆଖି

ସତକୁ ସତ ଆସିଥିଲେ କି ସ୍ବପ୍ନଥିଲା 

ତୁମେ ଗୋ କହିପାରିବକି!

ନିଦ ଆଉ ରାତି ଉଭୟ ଅଛନ୍ତି ଯଦିଓ ସାକ୍ଷୀ

ମନ ବୁଝିଲେ ବୁଝେନା ଦୁଇ ଆଖି 

ଆଖି ବୁଝିଲେ ମାପିବ କୋଉ ବାସ୍ତବ ମନପକ୍ଷୀ 

ତୁମେ ବି କେମିତି ଜାଣିବ ପ୍ରେମ ଭକ୍ତି ରଖି 

ତୃତୀୟପୁରୁଷ ମୋର ନିଜେ ଅରକ୍ଷ ରକ୍ଷକ 

ଯାର ନାମ ଘୋଷୁଛନ୍ତି ଯୋଗୀ ମୁନି ଋଷି 

ତାଙ୍କୁ କୋଉଠି ପାରିବି ମୁଁ ରଖି 

କୁହ ଥରେ ହରେ ହରେ ହେ ମାଧବ 

ରଥେ ପଥେ ଜଗନ୍ନାଥଙ୍କୁ ସୁନାବେଶେ ଦେଖି

ଅଧରପଣା ପିଇ ସୁନାବେଶ ହୋଇ 

ଘରଣୀ ସାଥେ ମନ୍ଦିର ଚଳିବେ ଭାବଗ୍ରାହୀ 

ରସଗୋଲା ପ୍ରେମଫୁଲ ଦାମ୍ପତ୍ତ୍ୟ ଯୋଖି