ಲೈಬ್ರರಿ
ಪ್ರೊಫೈಲ್
ତୁମେ ହିଁ ତୁମେ
ତୁମେ ହିଁ ତୁମେ
1 min
176
ତୁମେ ମୋ ସ୍ୱପ୍ନ ଉଦ୍ୟାନର
ଜୁଇ ଜାଇ ହେନା
ମୋ ମନ ଆକାଶର
ଇନ୍ରଧନୁର ସପ୍ତ ରଙ୍ଗ
ଦୂର ଦିଗବଳୟର
ଅସ୍ତଗାମୀ ଲୋହିତ ସୂର୍ଯ୍ୟ
ଦୂର ଦିଗନ୍ତର
ମେଞ୍ଚାଏ ପର୍ବତମାଳା
ତୁମେ ମୋ ତରଙ୍ଗାୟିତ
ବକ୍ଷର
ଅଗଣିତ ସ୍ପନ୍ଦନ
ମୋ ମାନସ ପଟର
ଚାରୁଚିତ୍ର ନାୟିକା
ତୁମେ ସୁନୀଳ ଆକାଶର
ରୂପେଲୀ ଜହ୍ନ
ତୁମେ ସଙ୍ଗୀତ ମୂର୍ଛନାର
ଆଦ୍ୟ ଅନ୍ତାକ୍ଷରୀ
ତୁମେ ସପ୍ତ ରାଗିଣୀର
ମଧୁର ସମାହାର
ଆଉ ତୁମେ
ଶରତ ନୀଳ ଆକାଶର
ନୀଳ ଜହ୍ନଟିଏ
ତୁମେ ଆକାଶରେ
ଭସା ବାଦଲର
ଲୁଚକାଳି ଖେଳ
ତୁମେ ଯେବେ ଆସ
କେରାଏ ମନ୍ଦ ସମୀରରେ
ମୋ ଓଠରେ ସୃଷ୍ଟି କର
କାହିଁ କେତେ ସ୍ମିତ ହାସ୍ୟ
ତୁମେ ମଳୟର ସ୍ପର୍ଶ
ତୁମେ ସୁଗନ୍ଧିତ ବାସ
ତୁମେ କୁଆଁର ପୁନେଇଁର ଜହ୍ନ
ତୁମେ ନୀଳ ସମ୍ମୋହନ
ତୁମେ ମେଘମାଳ
ତୁମେ ବର୍ଷାର ରାଗିଣୀ
ତୁମେ ପାହାଁତିଆ ଆକାଶର
ଉଜ୍ଜ୍ୱଳ ନକ୍ଷତ୍ର
ଯେବେ ତୁମେ ଆସ
ମୋର ସ୍ୱପ୍ନରେ
କାହିଁକି କେଜାଣି
ମୋର ଘରର ପ୍ରତିଟି
କୋଣ ଅନୁକୋଣ
ମହକିତ ହୋଇଯାଏ
ରଜନୀ ଗନ୍ଧାର
ମହ ମହ ବାସ୍ନାରେ।
