ତୁମେ ଚାଲିଯିବା ପରେ

ଆଜି ବି ଅଛି ମୋ ମନେ 

ଅସରନ୍ତି ଭାବନା ଆଗ ପରି

ଅତୀତର ଭାବନା ରେ ତୁମେ ଥିଲ

ବର୍ତ୍ତମାନ ରେ ତୁମର ସ୍ମୃତି

ଏବେବି ମୁଁ ଦେଖୁଛି ତୁମକୁ 

ନେଇ କେତେକ ଅଲୋଡ଼ା ସ୍ୱପ୍ନ

ଯାହାର ମାନେ କିଛି ନାହିଁ

 ଏବେ ତୁମ ପାଖରେ।

ଏବେ ବି ହସୁଛି ମୁଁ ପ୍ରେମ ଭରି

 ହୃଦୟରେ ବିରହର ଜ୍ୱାଳା କୁ 

ଚାପି ଦେଇ ମୋ ଛାତି କାନ୍ଥରେ

ଲୁଚେଇ ଦେଇ ଅମାନିଆ ଲୁହର ଧାରାକୁ

ଏଇ ମୋ ଆଖିରେ।

ଏବେ ବି ଚାହିଁଛି ମୁଁ ତୁମରି ପଥ

ବିଶ୍ୱାସର ଚାଦର ଟାକୁ ଘୋଡେଇ

ହୋଇ ହୃଦୟ ସାରା ଯାହାକି ତୁମେ

ଚିରି ଦେଇ ଖିନ ଭିନ କରିଯାଇଛ

ଛଳନାର ଛୁରୀ ରେ।

ଏବେ ବି ଥକି ନାହିଁ ଚାଲୁଛି ମୁଁ

ବାଟ ତୁମକୁ ପାଇବା ଆଶାରେ

"ତୁମେ ଚାଲିଯିବା ପରେ"

ଅଟକି ଯାଏ କେବେ କେବେ କିଛି କ୍ଷଣ

ତୁମକୁ ଖୋଜିବା ନିଶାରେ

ହେଲେ ତୁମେ ପରଦେଶୀ ଚଢେଇ

ଉଡିଯାଇଛ ଡେଣା ଛାଡି

ବସା କରିଦେଇଛ ଅନ୍ୟର

ମନ ଆକାଶରେ।।