କିନ୍ତୁ

କେବେଠୁ କାହିଁ କେଉଁଦିନରୁ

ଏଇ ସୁନ୍ଦର ଶୀତଳ ହସ

ହସ ଭରା ଜ୍ୟୋତିମୟ ଚେହେରାକୁ 

ଖୋଜୁଥିଲି କେଉଁଠି ହଜେଇଥିଲି

ମତେ ଜଣା ନଥିଲା 

ତଥାପି ପାଇବାର ଅନ୍ୱେଷଣରେ

ଘୁରୁଥିଲି ମୁଖପୁସ୍ତକ ଠୁ ନେଇ

ବାସ୍ତବିକ ଜୀବନ ଯାଏଁ।

ଖୁସି ହାତ ମୁଠାରେ ଥାଏ

ଯେବେ ମୋ ପାଖେ ତୁମେ ଥାଅ

ଦୁନିଆ ଟା ଭାରି ଛୋଟ ଲାଗେ

ତୁମକୁ ହଜାଇଲା ପରେ କଳ୍ପନା

କରିପାରୁନାହିଁ ଦୁନିଆ ସତରେ

କେତେ ବଡ଼,

ଆଜି ବହୁଦିନ ପରେ ତୁମ ନମ୍ବରଟା

ଡାଇରୀରେ ଲେଖିଦେବା ପାଇଁ

ମତେ କୁହାଗଲା କ୍ଷଣକେ ମୁଁ ସ୍ତବ୍ଧ ହୋଇଗଲି

ଏଇଟା ସତ ନା ମୋର ପାଗଳାମି।

ନାଇଁ ତ ଏଇଟା ସତ,ନମ୍ବର ତ ସାଇତି 

ରଖିଲି କିନ୍ତୁ.......

କୁହତ ଏ କିନ୍ତୁ କଣ?

ଭୟ ନା ଆଉ କିଛି

ଲାଗୁଛି ସବୁ ଖୁସି ହାତ ଆଞ୍ଜୁଳିରେ

କିନ୍ତୁ......ଏଇଟା ହୁଏତ ଭୁଲ

କାହିଁକି ଜାଣ ତୁମର ଠିକଣା ପାଇଛି ସତ

ହେଲେ ତୁମକୁ ନୁହଁ 

ଏଇଟା ବି ସମ୍ଭବ ନୁହେଁ

ଅନ୍ୟ ଠିକଣା ରେ ତୁମେ ବାସିନ୍ଦା 

ହୋଇଯାଇଛ କିନ୍ତୁ ମୋ ହୃଦୟରୁ

ଦୁରେଇନାହଁ ତ!