ତୁମେ ବ୍ରହ୍ମାଣ୍ଡ କର୍ତ୍ତା
ତୁମେ ବ୍ରହ୍ମାଣ୍ଡ କର୍ତ୍ତା
କିଛିବି ତୁମକୁ ମାଗୁନି ମୁଁ ପ୍ରଭୁ
ଭାବରେ ବାନ୍ଧିଛି ଭାବ
ତୁମ ଭାବଡୋରେ ବାନ୍ଧିଦିଅ ମୋତେ
ଜଗନ୍ନାଥ ପଦ୍ମନାଭ I
ଅସୀମ ଗୋ ତୁମେ ସସୀମ ହୋଇଛ
ଶ୍ରୀକ୍ଷେତ୍ରେ କରୁଛ ଲୀଳା
ନୀରବରେ ବସି ନୀଳ କନ୍ଦରରେ
ବାହୁଛ ସଂସାର ଭେଳା I
ତୁମେ ଗୀତା ତୁମେ ଭାଗବତ ପ୍ରଭୁ
ନାରାୟଣ ନିରାକାର
ତୁମେ ରାମ ତୁମେ କୃଷ୍ଣ ମହାବାହୁ
କଳିଆ ଠାକୁର ମୋର I
କ୍ଷୀର ସାଗରରେ ଅନନ୍ତନାଗର
ଶେଯ ପରେ ତୁମେ ଶୋଇ
ସରଗ ମରତ ପାତାଳ ତ୍ରିପୁର
ଚଳାଉଛ ଦୟାବହି I
ଏ ଧରାରୁ ଦୁଷ୍ଟ ନିବାରଣ କରି
ସନ୍ଥଙ୍କୁ ପାଳନ କର
ସେଥିପାଇଁ ପ୍ରଭୁ ମର୍ତ୍ତ୍ୟ ମଣ୍ଡଳରେ
ନେଉଥାଅ ଅବତାର I
କଳିର ଠାକୁର ତୁମେ ଜଗନ୍ନାଥ
ବଡ ଦେଉଳରେ ରହି
ଭକତ ଜନଙ୍କୁ ଅଭୟ ଦେଉଛ
ବାଙ୍କ ନୟନରେ ଚାହିଁ I