ତୁମ ଅଭିନବ ଖେଳ

ମହାପ୍ରଭୁ, ଥିଲ, ଅଛ, ତୁମେ ଥିବ

ତୁମେ ଚିରନ୍ତନ ସତ୍ୟ ସନାତନ, 

ତୁମ ପରି କିଏ ହେବ, 

ମହାପ୍ରଭୁ ଥିଲ, ଅଛ, ତୁମେ ଥିବ ।

ଜେଜ ଥିଲେ ତୁମେ ଥିଲ,

ତାଙ୍କ କେବେଠୁ ହେଲାଣି କାଳ;

ତୁମେ ଥିଲ ବାବା ଥିଲେ,

ସିଏ ବି ତ ଚାଲିଗଲେ, 

ମୁଁ ଏବେ ଅଛି ତୁମକୁ ଦେଖୁଛି

ହେଲାଣି ମୋ ଯିବା ବେଳ;

ତୁମେ ଅଛ କାହିଁ ଅନାଦି ଯୁଗରୁ

କିଏ, ବୁଝିବ ତୁମର ଭାବ, 

ମହାପ୍ରଭୁ ଥିଲ, ଅଛ ତୁମେ ଥିବ ।

ଏତ ସଂସାରର ଖେଳ,

ତୁମେ ଲଗାଇଛ ମାୟାଧର;

ମିଛ ମାୟାର ସଂସାର,

ମାୟାରେ ସରବେ ଭୋଳ,

ଯୁଗ ଯୁଗାନ୍ତର ତୁମେ ଥିବ ଏହି

ଅଭିନୟ ମଣିଷର;

ଦେଖିବା ପାଇଁକି ଆହେ ଚକା ଆଖି

ଖେଳ, ତୁମର ଏ ଅଭିନବ, 

ମହାପ୍ରଭୁ ତୁମେ ଅଛ ତୁମେ ଥିବ ।

ପୁଅ ନାତି ଯେତେ ଆମ,

ସବୁ ଦେଖିବେ ଏମିତି ତୁମ;

ଲୀଳା ଖେଳା ଯେତେ ସବୁ,

ଲଗାଇଛ ପରା ବିଭୁ, 

ସେମାନେ ବି ଯିବେ ତୁମେତ ସେମିତି

ଥିବ ସିନା ମହାପ୍ରଭୁ;

ତୁମେ ନିରାମୟ ଶୂନ୍ୟ ଠୁଳ ବ୍ରହ୍ମ 

ତୁମେ, ଆଶ୍ଚର୍ଯ୍ୟ ଓ ଅସମ୍ଭବ,

ମହାପ୍ରଭୁ ଥିଲ, ଅଛ, ତୁମେ ଥିବ ।

ଆଦି ଅନନ୍ତ ଯୁଗରୁ, 

ଲୀଳା ଲଗାଇଛ ମହାମେରୁ;

ମରଣ ଶିଳ ସଂସାରୁ, 

ପାରିକର ଏ ଜଂଜାଳୁ,

ତୁମ ଆଶ୍ରୟରେ ପ୍ରଫୁଲ୍ଲ କୁ ପାରି

କର ଏହି ଭବ ଜଳୁ;

ତୁମେ ପରା ନାଥ ଅଗତିର ଗତି

ଡାକେ, ବାରେ ସହାୟ ହୋଇବ, 

ମହାପ୍ରଭୁ ଅଛ, ଥିଲ ତୁମେ ଥିବ ।