ଜୀବନ ସମୂଦ୍ର

ଜୀବନ ସମୁଦ୍ର ଢେଉ ସବୁ

ମନ କୂଳେ ପିଟେ ମଥା

ନୀଳ ନାଲି ନେଳି ସବୁଜହଳଦିଆ

ହୃଦୟେ ଦିଅଇ ବ୍ୟଥା 

କେବେ କେଉଁ ଢେଉ ଅଧିର ଆବେଗେ

କହେ କାନେ କାନେ କଥା

କେବେ କାମନା ବାସନା ରହିତ ଢେଉ

ନୁଆଁଇ ନିଜର ମଥା

କେତେ ସ୍ଵପ୍ନ ଭୟପୂର୍ଣ୍ଣ କେବେ ମିଠା ସ୍ଵପ୍ନ

ଦେଖି ଲେଖା ଜୀବନ କବିତା

କେତେ ଯେ କାହାଣୀ ବୁଢ଼ୀ ଅସୁରୁଣୀ କି

ସୁନାଗଉଣୀ ରୂପେ ସାଇତା

ଢେଉର ଫେନିଳ ଫେଣ ସାତ୍ୱିକ କେତେ

କହିଦିଏ ଜୀବନ ରଫଖାତା

କେତେ ସେ ଉଜାଣୀ କେତେ ଭସାମେଘ

ଦିଗବାରେଣିରେ ପିଟି ମଥା

ଜୀବନ ସମୁଦ୍ର କୂଳେ କୂଳେ କେତେ ନାଟ

ଢେଉରେ ମାଦକତା

ଘୁ ଘୁ ଶଦ୍ଦେ ମାଡ଼ିଆସୁଥାଏ ସମ୍ପଦ ବିପଦ

ଆହୁଲାର ଭିତ୍ତପ୍ରସ୍ତର ଗୁଣବତ୍ତା

ନୋଳିଆଭାଇ, ନାଉରୀକେହି ଭଉଁରୀ ପହଁରୀ

ବ୍ୟସ୍ତତା ବହୁଳତା

କେବେ କୁନି କୁନି କଙ୍କଡା ଶାମୁକା ବାଲିଗିରିଡା

ସାଜନ୍ତି ହୋଇ ନଚିକେତା

ଓଁର ନିନାଦେ ପରମବ୍ରହ୍ମ ନାଦେ ମହମହ

ମଣିଷ ଜୀବନ କୌଶଳ ଗାଥା ।