ଗୁମୁରୀ କାନ୍ଦୁଛି ଭାରତ ମାଆ
ଗୁମୁରୀ କାନ୍ଦୁଛି ଭାରତ ମାଆ
ଗୁମୁରୀ କାନ୍ଦୁଛି ଭାରତ ମାଆ
କଳୁଷିତ ଆଜି ତାର ସଭ୍ୟତା ।
ସଂସ୍କୃତି, ଧରମ, ଧାରଣା ଚିନ୍ତା
ନ୍ୟାୟ, ନୀତି, ବିଧି, ଆଦି ବ୍ୟବସ୍ଥା ।
ଆଧ୍ୟାତ୍ମିକ ଭାବ ଭିଭାବ ଯେତେ
ସବୁ ଲୁପ୍ତ ହୋଇ ଯାଉଛି ନିତ୍ୟେ ।
ସଭ୍ୟତା ମୟୁଖ ଯହିଁ ରୁ ଯାତ
ଔତ୍କର୍ଷ୍ୟ ରେ ସାରା ବିଶ୍ୱେ ବିଖ୍ୟାତ ।
ସଂସ୍କୃତି ଓ ରୀତି ନୀତି ନିୟମ
ଆଦର୍ଶ , ଚଳଣୀ , କଳା ବିଜ୍ଞାନ ।
ସାହିତ୍ୟ , ଇତ୍ୟାଦି ଯାର ଗାରିମା
ଦିନୁଦିନ ନଷ୍ଟ ହୁଅଇ ନାନା
ସ୍ଥାନେ ନାନା ମତେ କଳନା ।
କରି ନ ହୁଅଇ ସମାଜେ ଆଜି
ଭ୍ରଷ୍ଟ ରୀତି ନୀତି ବିଧାନ ସୃଜି ।
ସ୍ୱlର୍ଥାନ୍ଵେଶୀ ଜନେ କରନ୍ତି କୋପ
ଗୁମୁରି ଗୁମୁରି କରେ ବିଳାପ ।
ଭାରତ ମାତା ଯେ କାରୁଣ୍ୟେ ଅତି
ଲୋପ ପାଏ ନିତି ଐକ୍ୟ ସଂହତି ।
ସାମାଜିକ ଜୀବନ ରେ ଅନେକ
ଲାଗି ରହି ଦୁଃଖ ଶୋକ ଆତଙ୍କ ।
ନା ନା ସ୍ଥାନେ ହିଂସା କାଣ୍ଡ ଘଟଇ
ଅପରାଧ ଦିନୁ ଦିନ ବଢ଼ଇ ।
ନାରୀ ର ଜୀବନ ହୁଏ ଉଛନ୍ନ
ନଷ୍ଟ ଭ୍ରଷ୍ଟ ହୁଏ ତାର ସପନ ।
ସ୍ନେହ ଶ୍ରଦ୍ଧା ପ୍ରୀତି , ଶାନ୍ତି ସନ୍ତୋଷ
ହ୍ରାସ ପାଇ କ୍ରମେ ବଢେ ବିଦ୍ୱେଷ ।
ଜନତା ସଭିଏଁ ହୁଅନ୍ତି ଦୁଃଖୀ
ଗୁମୁରି କାନ୍ଦୁଛି ଏ ସବୁ ଦେଖି ।
ସବୁଠି ଦୁର୍ନୀତି ଓ ପ୍ରିୟା ପ୍ରୀତି
ସ୍ବାର୍ଥ ପାଇଁ ଆଜି ବଢି ଚାଲିଛି ।
ଗୋ ହତ୍ୟା ଓ ଭ୍ରୁଣ ହତ୍ୟା ବଢ଼ଇ
ଗୁମୁରି କାନ୍ଦୁଛି ଏ ସବୁ ଚାହିଁ ।
ଭାରତ ମାତା ର ଦୁଃଖ ଓ କୋହ
ବୃଦ୍ଧି ପାଇ ଚାଲେ ତୀବ୍ର ଅସହ୍ୟ ।