ତୁଚ୍ଛ ସଂପର୍କ

ମିଛ ମାୟା ଭରା ସଂସାରରେ ଏହି

   ମାଆ ତୋର ନାମ ଧ୍ଯାଇ

ସଂପର୍କ ଗଢିଲି ବାପା ଭାଇ ବଂଧୁ

    କୁଆଁ କୁଆଁ ରାବ ଦେଇ ।।

ସାଥି ସହୋଦର ପ୍ରିୟ ପରିଜନ

   ମମତାରେ ହେଲେ ବନ୍ଧା

ଥିଲି ଯେବେ ସାନ ପାଇଲି ସମ୍ମାନ

   ଭୁଲିଲି ସକଳ ବାଧା ।।

ବେଳ ନହଉଣୁ କୋଳ ଖାଲି କରି

    ଗଲେ ବାପା ମାଆ ଚାଲି

ନ ପାରିଲି ବୁଝି ମିଛ ସବୁ ସୁଝି

    ଏ ସଂସାର ଶୂନ୍ଯ ଖାଲି ।।

ଜନମ ମରଣ ଏହି ଦୁଇ ଦିନ

    ଆଉ ସବୁ ଲାଗେ ମିଛ

ସଂପର୍କଟା ଖାଲି ବାଆକୁ ବତାଟେ

    ଜଣେ ଆଗ ଜଣେ ପଛ ।।

ଲାଗିଛି ସଂସାରେ ମୋର ମୋର ବୋଲି

    କେହି ନୁହେଁ ଏଠି କା'ର

ବିପଦେ ଆପଦେ ନଦିଅନ୍ତି ଦେଖା

   ତୁଚ୍ଛ ସଂପର୍କର ଡୋର ।।