ତୁ' ଅମାନିଆଁ ନଈ
ତୁ' ଅମାନିଆଁ ନଈ
ତୁ'ଅମାନିଆଁ ନଈ ।
ସବୁଠୁ ମିଛେଇ ।
ବହିଯାଉ ଦୂରେ ଦୁରେ
ଦୁଇକୂଳ ଛୁଇଁ ।
ପଥ ହରା ପଥିକ ମୁଁ
ଧରି ପାରେ ନାହିଁ ।
ଫେରିବା ବାଟକୁ ତୋର
ବସିଛି ଅନେଇଁ ।
ସାଗରେ ମିଶିବା ପାଇଁ
ମନେକେତେ ଆଶାନେଇ ।
ନାଚି ଯାଉ ଢେଉ ସଙ୍ଗେ
ପ୍ରୀତିର ସଂକେତ ଦେଇ।
ବୁଝିଛୁ କି ମନ ମନ ତଳେ
କେତେ ପ୍ରେମ ତୋ ପାଇଁ
ଘାଟରେ ଚାହିଁ ବସିଛି
ଅବୁଝା ବାଟୋଇ ହୋଇ ।
ନିଦାଘଟା ବିତି ଗଲା
ତୋତେକେତେ ଚାହିଁଚାହିଁ।
ପାଗଳ ପରି ସାଉଁଟି
ତୋର କୂଳ ପଠା ଭୂଇଁ ।
ଆଙ୍କିଛି ମୋ ପାଦ ଚିହ୍ନ
ମୂକ ସାକ୍ଷୀ ହେବା ପାଇଁ।
ଘର୍ମ କେତେ ନିଗିଡିଛି
ଓଠ ମୋ ଯାଇଛି ପିଇ।
ଥକ୍କା ହୋଇ ବସିଛି ମୁଁ
ତୋ'ଫେରନ୍ତା ଆଶା ନେଇ ।