Library
Profile
"ଟ୍ରେନ ର ଝରକା"
"ଟ୍ରେନ ର ଝରକା"
ଏତେ ବଡ ଦୁନିଆକୁ
ଦର୍ଶନ କରାଉଥିଲା
ମୋତେ ଏକା ଏକା
ମୋ'ର ସେହି ଟ୍ରେନ ଯାତ୍ରାର
ମୁକ ସାକ୍ଷୀ ଟ୍ରେନର ଝରକା।
ସତେ କି ସେ ଥିଲା
ମନ ମନ୍ଦିର ର ହୃଦ କନ୍ଦରର
ଚିର ସହଯାତ୍ରୀ ମୋ ହୃଦୟ ନାୟିକା
ସତେ କି ସେ ଥିଲା ମୋ ପ୍ରେମିକା
ଏ ସୁନ୍ଦର ଧରାକୁ ପ୍ରତି ମୁହୂର୍ତ୍ତରେ
ଅବା ସେ ସତେ ହାତ ଠାରି
ଦେଖାଉଥିଲା ବନ,ଉପବନ
ପାହାଡ, ଝରଣା ର ସୌନ୍ଦର୍ଯ୍ୟ କୁ
ମୋତେ ଏକା ଏକା
ମୋ'ର ସେହି ଟ୍ରେନ ଯାତ୍ରାର
ମୁକ ସାକ୍ଷୀ ଟ୍ରେନ୍ ଝରକା।
ଟ୍ରେନର ଝରକା ନ ଥିଲା
ସେ ତ ମୋ ପାଇଁ କେବଳ
ସେ ମୋ ପାଇଁ
ମୋ ଜୀବନ ପାଇଁ
ଆଣୁଥିଲା କେତେ ଅନୁଭୂତି
ଆଣୁଥିଲା କେତେ ଅଭିଜ୍ଞତା
ଜଞ୍ଜାଳମୟ ଜୀବନ ଭିତରେ
କରୁଥିଲା ହାଲୁକା ମୋ ହୃଦୟର ବ୍ୟଥା
ଶୀତଳ ବାଆ ସାଙ୍ଗକୁ
ପ୍ରକୃତି ର ସୌନ୍ଦର୍ଯ୍ୟ ଦର୍ଶନ କରାଉଥିଲା
ମୋତେ ସେ ଏକା ଏକା
ମୋ'ର ସେହି ଟ୍ରେନ ଯାତ୍ରା ର
ମୁକ ସାକ୍ଷୀ ଟ୍ରେନ୍ ଝରକା।
ସେ ମୋ ଆଶା ସେ ମୋ ଆକାଙ୍କ୍ଷା
ଦୂର କରିଛି ମୋ ଜୀବନ ର ଲେଖା
ଚିର ବନ୍ଦିତା ସେ ଚିର ସ୍ମରଣୀୟା
ସେ ମୋ ଜୀବନ ଦର୍ଶନ ର ମହା ଦୀକ୍ଷା
ଜୀବନ ଯାତ୍ରା ର ଚିର ଆକାଙ୍କ୍ଷିତା
ମୋ ସ୍ମୃତି ଅନୁଭୂତି ର
ମୋ'ର ସେହି ଟ୍ରେନ ଯାତ୍ରାର
ମୁକ ସାକ୍ଷୀ ଟ୍ରେନ୍ ଝରକା ।
