ଟୋପାଏ ସିନ୍ଦୁର
ଟୋପାଏ ସିନ୍ଦୁର
ଟୋପାଏ ସିନ୍ଦୁର କୁଆଁରୀ କନ୍ୟାକୁ
ନାରୀ ସଜାଇଣ ଦିଏ
ସିନ୍ଦୁରର ଟୀକା ପିନ୍ଧାଇଲେ ନାରୀ
ପୁରୁଷ ଯୁଦ୍ଧ୍ୟକୁ ଯାଏ l
ନାରୀ ରକ୍ଷାକର୍ତ୍ତା ଏ ସିନ୍ଦୁର ଟୋପା
ପୁରୁଷ ର ରକ୍ଷା କର୍ତ୍ତା..
ଜଗତ ଜନନୀ ମାଆ ଙ୍କ ମୁଣ୍ଡରେ
ଶୋଭାପାଏ ଏହି ଟୀକା l
ବୀର ହନୁମାନ ଜାନକୀ ଦର୍ଶନ
କରିବାକୁ ଥରେ ଯାଇ
ଦେଖିଲେ ସିନ୍ଦୁର ପିନ୍ଧୁଛନ୍ତି ମାତା
କାହିଁକି ପିନ୍ଧୁଛ କହି l
ଭାଷିଲେ ବୈଦେହୀ ଶୁଣ ଆଂଜନେୟ
ପ୍ରଭୁଙ୍କ ମଙ୍ଗଳ ପାଇଁ
ଏ ସିନ୍ଦୁର ଟୀକା ମୁହିଁ ଲଗାଉଛି
ଜାଣ ପବନ ତନୟୀ l
ସେଠାବରୁ ଆସି ବୀର ହନୁମାନ
ମୁଖେ ସିନ୍ଦୁର ଲେପନ
ପ୍ରଭୁଙ୍କ ମଙ୍ଗଳେ ଟୋପାଏ ସିନ୍ଦୁର
କି କାର୍ଯ୍ୟ କରିବ ଜାଣ l
ସିନ୍ଦୁରେ ଆବୃତ୍ତ ଶରୀର କରିଲେ
ବହୁ ମଙ୍ଗଳ ହୋଇବ
ମୋର ପ୍ରଭୁ ଶୁଭେ କାଳ କାଟୁ ଥିବେ
ବିପଦ ଦେଖା ନଦେବ l
ସେହିଦିନୁ ଭକ୍ତ ହନୁମାନ ମୁଖେ
ସିନ୍ଦୁର ବୋଳା ହେଉଛି
ପ୍ରଭୁଙ୍କ ମଙ୍ଗଳ ପାଇଁ ଭ୍ରୁତ୍ୟ ମଧ୍ୟ୍ୟ
ସିନ୍ଦୁର ଟୀକା ପିନ୍ଧୁଚି l
ଭଉଣୀ ଭାଇ କୁ ରାକ୍ଷୀ ବାନ୍ଧିଦିଏ
ଟୋପାଏ ସିନ୍ଦୁର ଦେଇ
ଭାଇ ରଖିଥାଏ ଭଉଣୀର ମାନ
ଯେତେଦିନ ଥିବ ରହି l
ଟୋପାଏ ସିନ୍ଦୁର ମାରିଦେଲେ ନାରୀ
ପୁରୁଷ ହୁଅନ୍ତି ଆଡ
ଆକ୍ଷି ଫେରାଇଣ ନଚାହାଁନ୍ତି କେହି
ଭୟରେ ତ ହଡବଡ l
ସିନ୍ଦୁର ଅଟଇ ସତୀତ୍ଵ ର ଟୀକା
ସ୍ୱାମୀର ରକ୍ଷା କବଚ
ମାତା ବୃନ୍ଦାବତୀ ସତୀତ୍ଵ ବଳରେ
ଜଳନ୍ଧର ନୁହେଁ ହତ l
ସତୀତ୍ଵ ହରଣ କରି ନାରାୟଣ
ପୃଥିବୀ ର ହିତ ପାଇଁ
ଶାଳଗ୍ରାମ ଶିଳା ପାଲଟି ଗଲେସେ
ସତୀ ଅଭିଶାପ ପାଇ l
ସବୁ ଶୁଭ କାର୍ଯୟେ ସିନ୍ଦୁର ତ ଲୋଡ଼ା
ସିନ୍ଦୁରର ମୂଲ୍ୟ କେହି
ଦେଇ ନାହିଁ କିମ୍ବା ଦେଇ ପାରିବେନି
ଏ ମର୍ତ୍ୟମଣ୍ଡଳେ ରହି l