ମୋ ଗାଁ ସକାଳ

ବିଭାବରୀ ଯାଉଅଛି ଅପସରି

କାକ କୁକୁଟ ଡାକନ୍ତି

ଉଠରେ ଉଠରେ ଗଳାମାଳୀମୋର

ରାତି ହୋଇଲା ପାହାନ୍ତି ।

କୂଳବଧୁ ସବୁ ଅଗଣା ଖରକି

ଦାଣ୍ଡ ପହରନ୍ତି ଦେଖ

ଗୋମୟ ଜଳକୁ ଚତୁର୍ପାଶ୍ୱେ ସିଞ୍ଚି

କରନ୍ତି ପ୍ରତିଷେଧକ ।

ଅଭ୍ୟ।ସ ବଳରେ ବୃଦ୍ଧ ବୃଦ୍ଧା ସବୁ

ଗାଉଛନ୍ତି ରାମ ନାମ

ସୁନ୍ଦର ସ୍ୱର ତ ଭାଷି ଆସୁଅଛି

ପିଲାଙ୍କୁ ଏହା ବିଷମ ।

ଘଣ୍ଟ ଘଣ୍ଟା ଶଙ୍ଖ ସ୍ୱନେ ନିନାଦିତ 

ମନ୍ଦିର ପ୍ରାଙ୍ଗଣେ ଦେଖ

ଧୂପ ସଳିତା ର ମହମହ ବାସ୍ନା

ଭରଇ ଚଉଦିଗ ତ ।

ମଧୁମକ୍ଷିକା ତ ପୁଷ୍ପଗୁଛେ ବସି

କରନ୍ତି ମଧୁ ସଂଗ୍ରହ

ପର ଉପକାର ପାଇଁ ସାଇତନ୍ତି

ହୋଇଣ କେତେ ନିର୍ଭୟ ।

ପ୍ରଜାପତି ସବୁ ଏଫୁଲେ ସେ ଫୁଲେ

ଶୋଭା ଵର୍ଧନ କରନ୍ତି

ସକାଳ ପଵନ ଶରୀରକୁ ହିତ

ବୋଲି ଉଡି ବୁଲୁଛନ୍ତି ।

ପ୍ରଭାକର ଆସି ପ୍ରଭା ବିସ୍ତାରିଣ 

ଖାଦ୍ୟପ୍ରାଣ ବାଣ୍ଟୁଛନ୍ତି

ବେଗ ବେଗ ଉଠି ଧାମ ରେ ପିଲାଏ 

ଡେରିରେ ସରିଯିବଟି ।

ଅଙ୍ଗନୱାଡି କୁ ବାହାରି ଗଲେଣି

ସାଙ୍ଗ ସାଥି ତ ତୁମର

ତୁମେ ଡେରି କଲେ ଶିକ୍ଷକ ରାଗିବେ

ଘରୁ କରିବେ ବାହାର ।

ସୁନ୍ଦର ପଵନ ପୁଣି ଖାଦ୍ୟପ୍ରାଣ

ପ୍ରକୃତି ରାଣୀର ଶୋଭା

ଦର୍ଶନ କରିବ ଉଠରେ ଉଠରେ

ରିଷି,ଅଂଶୀ, ଶ୍ରୀ, ଶ୍ରୀଜା