ତୋର ଦରଶନେ ହେବି ମୁଁ ମୁଗ୍ଧ

ବିମୁଗ୍ଧ ଚକିତ ଚଉଦ ଭୁବନ

ବଡଦାଣ୍ଡ ଲୋକାରଣ୍ୟ

ଅପ୍ରତିମ ଦିବ୍ଯ ଶ୍ରୀଗୁଣ୍ଡିଚା ଯାତ

ବିରଳ ବିଶ୍ବେ ଅନନ୍ଯ ।

ଶୁଭେ ଜୟଘୋଷ ଜୟ ଜଗନ୍ନାଥ 

ହରିବୋଲ ହୁଳହୁଳି

ବାଜେ ଭେରୀ ତୁରୀ ଘଣ୍ଟା ଓ କାହାଳୀ

ଉଛୁଳି ପଡେ ଗହଳି ।

ପାର୍ଶ୍ବ ଦେବାଦେବୀ ଅଶ୍ବ ସୁସଜ୍ଜିତ 

ସାରଥି ରଥେ ପ୍ରସ୍ତୁତ 

ବିଜେ ହୁଅ ପ୍ରଭୁ ଚତୁର୍ଦ୍ଧା ମୂରତି

ଦାରୁବ୍ରହ୍ମ ଜଗନ୍ନାଥ ।

ଉଡେ ଫରଫର ପତାକା ଉନ୍ନନି

ତାଳଧ୍ବଜେ ବଳରାମ

ମାତା ସୁଭଦ୍ରାଙ୍କ ଦେବଦଳନରେ

ନାଦମ୍ବିକା ଶୋଭମାନ ।

ରଥ ନନ୍ଦିଘୋଷ ଗରୁଡଧ୍ବଜରେ

ଉଡେ ତ୍ରିଲୋକମୋହିନୀ

ଚର୍ମ ଚକ୍ଷୁ ଦେଖି ରହିଯାଏ ଲାଖି

ମନ ସ୍ବତଃ ନିଏ ଟାଣି ।

କରିବି ଦର୍ଶନ ରଥରେ ବାମନ

ସୁବେଶ ତଡାଉ ବଡ

ଭିିଡି ମୁଁ ଟାଣିବି ଦଉଡି ବାସୁକୀ 

ସ୍ବର୍ଣ୍ଣଚୂଡ ଶଙ୍ଖଚୂଡ ।

ଗୁଣ୍ଡିଚା ବାହୁଡା ନିଳାଦ୍ରି ବିଜୟ

ଯାତ ନବଦିନାତ୍ମକ 

ଦରଶନେ ମୁଗ୍ଧ ହେବି ମୁଁ ପତିତ

ଜୀବନ ହେବ ସାର୍ଥକ ।