"ସ୍ଵୟଂଶ୍ରୀ"

  ତୁମେ ମାତା ତୁମେ ଜନନୀ

   ତୁମେ ଜନ୍ମଦାତ୍ରୀ ତୁମେ ସର୍ବ ଶକ୍ତି

    ସକଳ ସୃଷ୍ଟି ର କାରିଣୀ

   ଆଦିଶକ୍ତି ଆଦିମାତା

   ତୁମେ ଦେବ, ଗନ୍ଧର୍ବ, 

    ମାନବ ଙ୍କର ଅଟ ମାତା ଶ୍ରୀ

    ତୁମେ ସିଦ୍ଧି ତୁମେ ବୁଦ୍ଧି

    ତୁମେ ଏ ସୃଷ୍ଟି ର ସ୍ଵୟଂଶ୍ରୀ ।

    ତୁମେ ନର ତୁମେ ନାରୀ

    ତୁମେ ହର ତୁମେ ହରି

     ତୁମେ ଦୁର୍ଗା ତୁମେ ଦେବୀ

    ଏ ସୃଷ୍ଟି ର ମହାଦେବୀ

     ଜଗତ୍ଧାତ୍ରୀ ଜଗତ୍ ଦେବୀ

    ତୁମେ କୃଷ୍ଣ ତୁମେ କୃଷ୍ଣା

     ତୁମେ ଗୋପ ତୁମେ ଗୋପା

     ତୁମେ ଗୋପର ଗୋପନାରୀ

     ତୁମେ ଭୂମି ତୁମେ ଭୂମା

    ତୁମେ ସଂସାରେ ଏକା ସ୍ଵୟଂଶ୍ରୀ ।

   

   ତୁମେ ପରିବାର ତୁମେ ଏ ସଂସାର

   ତୁମେ ଦେଶ ଅନୁଷ୍ଠାନ ତୁମେ ହିଁ ବିଚାର

    ଏ ବିଶ୍ଵ ବ୍ରହ୍ମାଣ୍ଡ ସବୁ ତ ତୁମରି

   ତୁମେ ଅବତାର ତୁମେ ଅବତାରି

    ଏ ଭବ ସଂସାରୁ

    ତୁମେ କର ଏକା ପାରି

   ଏ ଧରାରୁ ତୁମେ ପାପ ନାଶ କରି

   ନାମ ବହିଅଛ

  ପୁଣ୍ୟ ଗଙ୍ଗା ମାତା ତୁମେ ହିଁ ଗଉରୀ

    ତୁମେ ଈଶ୍ଵର ତୁମେ ହିଁ ଈଶ୍ଵରୀ

   ଏ ସଂସାର ହାଟରେ

    ତୁମେ ଏକା ସ୍ଵୟଂଶ୍ରୀ।

   ତୁମେ ଜନନୀ, ଭଗିନୀ, 

    ଜାୟା ରୂପ ଧାରୀ

   ତିନି ରୂପେ ତୁମେ

    ଥାଅ ଏ ସଂସାରେ ପୂରି

   ଅବଳା ଦୁର୍ବଳା ବୋଲି ଭାବନ୍ତି

    ତୁମକୁ ଏ ଛାର ସଂସାରୀ

  ଲୋଭ ମୋହ ମାୟା କ୍ରୋଧ ପରିହରି

    ଦେଖାଅ ତୁମେ ଧୈର୍ଯ୍ୟ ଓ ସାହାସ 

     ସଂସାର ମଙ୍ଗଳ ନିମନ୍ତେ

     ବରଷି ତବ କରୁଣାର ବାରି

    ଶତ୍ରୁ କୁ ତୁମେ ପାର ଜୟ କରି

   ସକଳ ଶକ୍ତି ତୁମ ଠାରେ 

    ଥାଏ ବୋଲି ଭରି

    ଏ ଜଗତେ ତୁମ କେହି ନାହିଁ ଅରୀ

     ସେ ପାଇଁ ତୁମେ ସ୍ଵୟଂସିଦ୍ଧା ସ୍ଵଂୟ ଶ୍ରୀ ।