Library
ସୁନା ବେଶରେ ଦିଅଁ
ସୁନା ବେଶରେ ଦିଅଁ
ସୁନେଲୀ ଶ୍ରୀ କ୍ଷେତ୍ରେ ସୁନାର ଦିଅଁ
ଶ୍ରୀ ଅଙ୍ଗେ ସୁଷମେ ତିନି ବିଗ୍ରହ ।
ସଜାଇବେ ଆଜି ସୁନା ବେଶ ରେ
ସଭିଏଁ ଦେଖିବା ଚାଲ ଶ୍ରୀ କ୍ଷେତ୍ରେ ।
ସୁନେଲୀ ଶ୍ରୀ କ୍ଷେତ୍ରେ ବାହୁଡ଼ା ପରେ
ସାଜି ଉଭା ହେବେ ରଥ ଉପରେ ।
ସୁବର୍ଣ୍ଣ ମହଣ ମହଣ ଭାର
ସାଇତି ଅଛନ୍ତି ରତ୍ନ ଭଣ୍ଡାର ।
ସେବକେ ଆଣିବେ ତହିଁ ରୁ ବୋହି
ସୁନାବେଶ ସେହି ଦେବେ ସଜାଇ ।
ସ୍ୱର୍ଣ୍ଣ ଆଭୂଷଣ ଓ ଅଳଙ୍କାର
ସୁନା ବେଶ ଆଜି କି ଚମତ୍କାର ।
ସୁବର୍ଣ୍ଣ ସାଜ ରେ ସଜ୍ଜିତ ହେବେ
ସୁମଧୁରେ ଖିଲି ଖିଲି ହସିବେ ।
ଶ୍ରୀ ଭୂଜ କିରୀଟ ଓ ଓଢିଆଣି
ଶ୍ରୀ ପୟର ମାଳ ଓ ଆଡକାନୀ ।
ସ୍ୱର୍ଣ୍ଣ ଚକ୍ର , ଚନ୍ଦ୍ରସୂର୍ଯ୍ୟ ତିଳକ
ଶଙ୍ଖ , ସୂର୍ଯ୍ୟ ଚନ୍ଦ୍ର କି ଝକ ଝକ ।
ସହିତ କମର ପଟି ଓ ମାଳି
ସାଥେ ତ୍ରିଖଣ୍ଡିକା ଶୋଭା ଉଜ୍ବଳି ।
ଶ୍ରବଣ ଯୁଗଳେ କୁଣ୍ଡଳେ ଶୋଭା
ସୁନାସିକା ହୀରା ବସଣୀ , ଗ୍ରୀବା ।
ସଜାଇ ଘାଗଡା ମାଳି ଓ ହାର
ସୁପ୍ରସସ୍ତ ବୁକେ ସୁବର୍ଣ୍ଣ ହାର ।
ସୁବର୍ଣ୍ଣ କିରୀଟ ମସ୍ତକ ପରେ
ସ୍ୱର୍ଣ୍ଣ ସୂର୍ଯ୍ୟ ଚନ୍ଦ୍ର ଯେ ଲଲାଟ ରେ ।
ସାଜଇ ପୁରଟ କଙ୍କଣ କରେ
ସବ୍ୟେତର ସ୍କନ୍ଧେ ଓଢ଼ଆଣି ରେ ।
ସୁକମ କମ ରେ କମର ପଟି
ସ୍ୱର୍ଣ୍ଣ ଚକ୍ର , ରୌପ୍ୟ ଶଙ୍ଖ କିରିଟୀ ।
ସାରା ଅବୟବ ସୁବର୍ଣ୍ଣେ ସାଜି
ଶୋଭୁଛି କଦମ୍ବ ପ୍ରାୟ ବିରାଜି ।
ସ୍ୱର୍ଣ୍ଣ ଆଭୂଷଣେ ସୁମନ ଲୋଭା
ଶୋଭା ବନ ଦିଶେ ଦିଅଁଙ୍କ ବିଭା ।
ସୁନେଲୀ ଶ୍ରୀ କ୍ଷେତ୍ରେ ତିନି ଠାକୁର
ସୁନା ବେଶେ ଆଜି ମଣ୍ଡି ଶରୀର ।
ସବୁ ଭକତ ଙ୍କୁ ଦ୍ୟନ୍ତି ଦର୍ଶନ
ସୁନ୍ଦର ସୁଷମା ସୁ ଅପଘନ ।
ସଜାଡିବେ ଆଜି ସୁନା ର ଦିଅଁ
ସୁନା ବେଶେ ଶୋଭେ ସୁନାର ମୁହଁ ।
ସଦ୍ଗତି ପ୍ରଦାନେ ଭକତ ଜନେ
ସମକ୍ଷ ରେ ଉଭା ହେବେ ସୁକ୍ଷଣେ ।
ସନ୍ଧ୍ୟା ପରେ ପରେ ସୁନା ବେଶ ରେ
ଶୋଭା ପାଇ ଉଭା ହେବେ ତୋଷ ରେ ।
ସୁବର୍ଣ୍ଣ ସୁଯୋଗ ସମୋପସ୍ଥିତ
ସର୍ବ ସିଦ୍ଧି ଦାୟୀ ସ୍ବସ୍ତି ସାଧିତ ।
ସାଷ୍ଟlଙ୍ଗେ ପ୍ରଣମି ଦର୍ଶନ କଲେ
ସ୍ଵତଃସିଦ୍ଧ ଫଳ ଲଭନ୍ତି ହେଳେ ।
