ସତ୍ଯ ମେବ ଜୟତେ

ସତ୍ୟର ପଥ କେବେ ବି ନୁହଁଇ ସହଜ

ଚାଲିବାରେ ଥାଏ ସଦା ଅସଂଖ୍ୟ ଆଘାତ

ହେବା ପାଇଁ ପଡେ ଦୁନିଆରେ ଉପହସିତ

ତଥାପି ଏ ମାର୍ଗ ନିର୍ବିବାଦୀୟ ଉଚିତ ସଠିକ ।

ସତ୍ୟ ସର୍ବଦା ସତ୍ୟ ହିଁ ସତ୍ୟ

ଘାତ ପ୍ରତିଘାତ ସହି ବି ଅକାଟ୍ଯ

ମଣିଷ ହୋଇପାରେ ଏଥିରୁ ବିଚ୍ଯୁତ

ମାତ୍ର ସତ୍ଯ ହିଁ ସଂସାରରେ ଶାଶ୍ଵତ ।

କେହି ବି କାହିଁକି ଆଜି ଚାହେଁନି 

ତିଳେ ହେବା ପାଇଁ ସାମ୍ନା ସାମ୍ନି

ଆଖିରେ ମିଳାଇ ଆଖି ସତ୍ୟ ସହିତ 

କଟୁ ତିକ୍ତ ବାସ୍ତବ ବା କାହାର ପସନ୍ଦ ।

ମିଥ୍ଯା ଯେ' କପୋଳକଳ୍ପିତ ମଧୁର 

ସୁଖପ୍ରଦ ରୋଚକ ମନୋମୁଗ୍ଧକର 

ଯଦିଚ ଆତ୍ମ ପ୍ରବଞ୍ଚନା ପୂର୍ଣ୍ଣ ପ୍ରହସନ

କିଏ ବା ପାରିବ ଏଡି ତାର ପ୍ରଲୋଭନ ।

ମିଥ୍ୟାର ହଳାହଳ ଗର‌ଳ ଜ୍ୱାଳାରେ

ସବୁ କାଳେ ଦିଏ ସତ୍ୟ ଅଗ୍ନୀ ପରୀକ୍ଷା

ସମୟର କଷଟି ପଥରେ ବାରମ୍ବାର

ପ୍ରତିବାର ଉକୁଟି ଉଠେ ତା ଶୁଦ୍ଧତା ।