ସପନର ଦୁନିଆ

ମନରେ ସାଇତି ଆଶା ଅସୁମାରୀ ସାଗର ସିନ୍ଧୁ ରେ ଢେଉ

ସାତ ସାଗରର ଗଭୀର ଜଳରେ ଲୁଚିଛି କି ସୁନା ଢେଉ ।

ସପନ ଦେଖୁଚି ମୋ ଦୁଇ ଆଖିରେ ଗହନ ନିଦରେ ଶୋଇ

ହଜିଯାଇଛି ମୋ ହୃଦୟ ତୋପାଖେ ଖୋଜି ମୁଁ ପାଏନି ଆଉ ।

ଆଖିରେ ଆଖିଏ ଦେଖିଚି ସପନ ତୁମପାଇଁ ମନ ମୋର ସାଇତି ରଖିବି ହୃଦୟ ରେ ମୋର ଆସି ଥରେ ଧରାଦିଅ ।

ଜନ୍ମଜନ୍ମ ର ଏ ଅତୁଟ ବନ୍ଧନ ଜୀବନ ର ପଥ ଅଙ୍କା ବଙ୍କା

ହାତ ଧରି ବାଟ ଚାଲିବା ପାଇଁ ତ ସାଥୀ ତୁମେ ମୋର ଏକା ।

ତୁମ ପାଇଁ ମୁହିଁ ଦେଖିଚି ସପନ ସାଇତି ମନ ରେ ମୋର 

ହୃଦୟ ମନ୍ଦିରେ ରଖିବି ତୁମକୁ ମନର ଦେବୀ ତୁମେ ମୋର ।

ଅଜଣା ଅତିଥି ଭାବିବନି ମୋତେ ଯୁଗେ ଯୁଗେ ମୁଁ ତୁମର

ବନ୍ଧନ ଡୋରିରେ ବାନ୍ଧି ହୋଇ ଦୁହେଁ ଗଢିବା ନୂଆଁ ସଂସାର ।